નવી દિલ્હી, 10 ડિસેમ્બર (હિ.સ.). કોંગ્રેસના સાંસદ શશિ થરૂરે બુધવારે કહ્યું કે, તેમને વીર સાવરકર પુરસ્કાર વિશે કોઈ પૂર્વ જાણકારી નહોતી, કે તેમણે તે સ્વીકાર્યો પણ નથી. તેમણે આયોજકો પર પરવાનગી વિના તેમનું નામ જાહેર કરીને બેજવાબદારીભર્યું વર્તન કરવાનો આરોપ લગાવ્યો.

થરૂરે એક એક્સ-પોસ્ટમાં કહ્યું કે, તેમને મીડિયા રિપોર્ટ્સમાંથી જાણવા મળ્યું કે, તેમને વીર સાવરકર પુરસ્કાર માટે પસંદ કરવામાં આવ્યા છે, જે આજે દિલ્હીમાં રજૂ થવાનો હતો. તેમને ગઈકાલે કેરળમાં આ જાહેરાત વિશે જાણવા મળ્યું, જ્યાં તેઓ સ્થાનિક સ્વરાજ્યની ચૂંટણીમાં મતદાન કરવા ગયા હતા. તેમણે કહ્યું કે, તિરુવનંતપુરમમાં મીડિયા સાથે વાત કરતી વખતે તેમણે સ્પષ્ટતા કરી હતી કે તેમને આવા પુરસ્કાર વિશે ખબર નહોતી અને ન તો તેમણે તે સ્વીકાર્યો હતો. આ છતાં, આજે દિલ્હીમાં ફરીથી આ જ પ્રશ્ન પૂછવામાં આવ્યો ત્યારે તેમણે પરિસ્થિતિ સ્પષ્ટ કરવા માટે એક લેખિત નિવેદન જારી કર્યું.

થરૂરે કહ્યું કે, પુરસ્કારની પ્રકૃતિ, તે આપતી સંસ્થા અથવા અન્ય કોઈ સંદર્ભ વિશે સ્પષ્ટ માહિતી વિના, મારા કોઈપણ કાર્યક્રમમાં હાજરી આપવાનો કે પુરસ્કાર સ્વીકારવાનો કોઈ પ્રશ્ન જ નથી.

હિન્દુસ્થાન સમાચાર / પ્રશાંત શેખર / પવન કુમાર

હિન્દુસ્થાન સમાચાર / માધવી વ્યાસ