પૂંછ, નવી દિલ્હી, 22 ફેબ્રુઆરી (હિ.સ). શનિવારે પૂંછ જિલ્લામાં નિયંત્રણ રેખા નજીક આકસ્મિક લેન્ડમાઇન વિસ્ફોટમાં એક સૈનિક ઘાયલ થયો હતો. અધિકારીઓએ જણાવ્યું હતું કે, બીજી એક ઘટનામાં, શનિવારે જમ્મુ અને કાશ્મીરના પૂંછ જિલ્લાના એક ગામમાંથી એક કાટ લાગેલો જૂનો મોર્ટાર મળી આવ્યો હતો.

અધિકારીઓએ જણાવ્યું કે, આજે સવારે મેંઢરના કૃષ્ણા ઘાટી સેક્ટરના નાંગી-તાકેરી વિસ્તારમાં જ્યારે સેનાના જવાનો પેટ્રોલિંગ કરી રહ્યા હતા ત્યારે લેન્ડમાઈન વિસ્ફોટ થયો. તેમણે કહ્યું કે, એક સૈનિક આકસ્મિક રીતે લેન્ડમાઇન પર પગ મુકવાથી ઘાયલ થયો હતો અને તેને હોસ્પિટલમાં લઈ જવામાં આવ્યો હતો.

અધિકારીઓએ જણાવ્યું હતું કે, ઘૂસણખોરી વિરોધી અવરોધ પ્રણાલીના ભાગ રૂપે આગળના વિસ્તારોમાં લેન્ડમાઇન બિછાવવામાં આવે છે, જે ક્યારેક વરસાદને કારણે ધોવાઇ જાય છે, જેના કારણે આવા અકસ્માતો થાય છે. અધિકારીઓએ જણાવ્યું હતું કે, આજે બપોરે સુરનકોટ વિસ્તારના ફજલાબાદ ગામમાં પેટ્રોલિંગ દરમિયાન સેનાના જવાનોને કાટ લાગેલો મોર્ટાર શેલ મળ્યો હતો. આ વિસ્તારને તાત્કાલિક ઘેરી લેવામાં આવ્યો હતો અને મોર્ટાર શેલને સુરક્ષિત રીતે નિષ્ક્રિય કરવામાં આવ્યો હતો.

હિન્દુસ્થાન સમાચાર / બલવાન સિંહ / સંજીવ પાશ

હિન્દુસ્થાન સમાચાર / ડો.હિતેશ એન.વ્યાસ