- દરેક પરીક્ષાના અગાઉના દિવસે લિંક મળશે, નબળા વિધાર્થીઓને અંતિમ સમયમાં લિંક મદદરૂપ થશે

અમદાવાદ,26 ફેબ્રુઆરી (હિ.સ.) આવતીકાલ થી રાજ્યમાં શરૂ થનાર બોર્ડ ની પરીક્ષા પહેલા અમદાવાદ જિલ્લા ગ્રામ્ય વિસ્તારની શિક્ષણ અધિકારી કચેરી દ્વારા બોર્ડની પરીક્ષાને લઈને એક પ્રયોગ હાથ ધરવામાં આવ્યો છે. અમૂલ્ય એક કલાક તજજ્ઞોની ટીમ સાથેના શીર્ષક હેઠળ બોર્ડના વિદ્યાર્થીઓને જે-તે પ્રશ્નપત્રના આગલા દિવસે સરળ રીતે રિવિઝન થાય તે માટે ખાસ વીડિયો તૈયાર કરવામાં આવ્યા છે. જેની લિંક વિદ્યાર્થીઓને જે-તે પરીક્ષામાં આગલા દિવસે મોકલવામાં આવવાની છે. વિદ્યાર્થીઓ આ લિંકમાં જોડાઈને પરીક્ષાના આગલા દિવસે જે-તે વિષયના નિષ્ણાત શિક્ષક પાસેથી માર્ગદર્શન મેળવી શકશે. ખાસ નબળા વિદ્યાર્થીઓને આ પ્રોજેક્ટથી સીધો લાભ થશે.ધોરણ-10 અને 12ના વિદ્યાર્થીઓ માટે ઓનલાઇન લિંકનો પ્રયોગ શરૂ કરવામાં આવ્યાં છે.ખાસ કરીને ગ્રામ્ય વિસ્તારના નબળા વિદ્યાર્થીઓ માટે આ પ્રોજેક્ટ મદદરૂપ થશે.

ગ્રામ્ય વિસ્તારમાં ભણતા વિદ્યાર્થીઓને ટ્યુશન અને અન્ય સુવિધાઓ ઓછી મળે છે.જેથી, પરીક્ષાના અગાઉના દિવસે વિદ્યાર્થીઓને જે-તે પરીક્ષાનું યોગ્ય માર્ગદર્શન મળી રહે તથા વિદ્યાર્થીઓ સારી રીતે રિવિઝન કરી શકે તે માટે અમદાવાદ ગ્રામ્ય ડીઇઓ દ્વારા એક નવતર પ્રયોગ કરવામાં આવ્યો છે જેનું નામ અમૂલ્ય એક કલાક તજજ્ઞોની ટિપ્સ સાથે આપવામાં આવ્યું છે.આ પ્રોજેક્ટમાં વિદ્યાર્થીઓને પરીક્ષાના અગાઉના દિવસે લિંક મોકલવામાં આવી રહી છે.

આ લિંકમાં બોર્ડની પરીક્ષામાં જે પેપર હશે, તે પેપર વિશે વિગતવાર માહિતી આપવામાં આવે છે. નિષ્ણાંત શિક્ષક દ્વારા અલગ-અલગ વિષયમાં અલગ-અલગ પ્રકરણનું મહત્વ, તેમાંથી કઈ રીતે તૈયારી કરવી તથા વિદ્યાર્થીઓને છેલ્લા સમયનું મહત્વનું રિવિઝન કરાવવામાં આવશે. DEO દ્રારા તેમના તાબા હેઠળની સ્કૂલોની આ લિંક આપવામાં આવી રહી છે. જે લિંક સ્કૂલ, વિદ્યાર્થીઓ અથવા વાલી સુધી પહોંચાડશે.

ધોરણ-10 અને 12ના વિદ્યાર્થીઓ માટે ઓનલાઇન લિંકનો પ્રયોગ શરૂ કરવામાં આવ્યાં છે.ખાસ કરીને ગ્રામ્ય વિસ્તારના નબળા વિદ્યાર્થીઓ માટે આ પ્રોજેક્ટ મદદરૂપ થશે. પરીક્ષાના આગલા દિવસે જ વિદ્યાર્થીઓને આ લિંક આપવામાં આવશે, જેથી વિદ્યાર્થીઓ તૈયારી કરે તેમાં તેમને મદદ મળી રહેશે.સંકલન સમિતિના સભ્યો દ્વારા થોડા દિવસ અગાઉ જ આ અંગે વાતચીત કરવામાં આવી અને તેના આધારે કચેરીની ટીમ દ્વારા સંયુક્ત રીતે મળીને શિક્ષકોને શોધીને વીડિયો તૈયાર કરવામાં આવ્યા છે.

હિન્દુસ્થાન સમાચાર / હર્ષ શાહ