નવી દિલ્હી, 18 જૂન (હિ.સ.). ચૂંટણી પંચે મતદારોને તેમનું ફોટો ઓળખ કાર્ડ (ઈપીઆઈસી) ઝડપી અને સમયસર પૂરું પાડવા માટે એક નવી માનક પ્રક્રિયા (એસઓપી) નક્કી કરી છે. હવે મતદાર ઓળખ કાર્ડ (ઈપીઆઈસી) કાર્ડ નવી નોંધણી અથવા મતદાર વિગતોમાં કોઈપણ ફેરફારના 15 દિવસની અંદર પ્રાપ્ત થશે.
આ પહેલ મતદારોની સુવિધા માટે લેવામાં આવી રહેલી વિવિધ પહેલનો એક ભાગ છે, જે મુખ્ય ચૂંટણી કમિશનર જ્ઞાનેશ કુમાર અને ચૂંટણી કમિશનર ડૉ. સુખબીર સિંહ સંધુ અને ડૉ. વિવેક જોશીના માર્ગદર્શન હેઠળ શરૂ કરવામાં આવી છે.
નવી સિસ્ટમ ઈપીઆઈસી કાર્ડ બનાવવાથી લઈને ટપાલ વિભાગ દ્વારા મતદારને પહોંચાડવા સુધીની દરેક પ્રક્રિયાનું રીઅલ-ટાઇમ ટ્રેકિંગ પ્રદાન કરશે. મતદારને એસએમએસ દ્વારા દરેક તબક્કા વિશે જાણ કરવામાં આવશે.
આ હેતુ માટે, ચૂંટણી પંચે તાજેતરમાં શરૂ કરાયેલ ઈ-સીનેટ પ્લેટફોર્મ પર એક ખાસ આઈટી મોડ્યુલ વિકસાવ્યું છે. આ નવું પ્લેટફોર્મ હાલની પ્રક્રિયામાં ફેરફાર કરીને કામગીરીને વધુ સરળ અને કાર્યક્ષમ બનાવશે. ઈપીઆઈસી ની સરળ ડિલિવરી સુનિશ્ચિત કરવા માટે પોસ્ટ વિભાગના એપ્લિકેશન પ્રોગ્રામિંગ ઇન્ટરફેસ (એપીઆઈ) ને ઈ-સીનેટ સાથે પણ સંકલિત કરવામાં આવશે.
હિન્દુસ્થાન સમાચાર / અનૂપ શર્મા / સંજીવ પાશ
હિન્દુસ્થાન સમાચાર / ડો.હિતેશ એન.વ્યાસ
19 Jun 2025
