મણિપુર/નવી દિલ્હી, 25 જૂન (હિ.સ.) : મણિપુરમાં સુરક્ષા દળોને મોટી સફળતા ત્યારે મળી જ્યારે પ્રતિબંધિત ઉગ્રવાદી સંગઠન કાંગલેઇપક કમ્યુનિસ્ટ પાર્ટી (પીઈપીએલયૂપી)ના એક કેડરને ઝડપી લેવામાં આવ્યો.

આ મહત્વપૂર્ણ માહિતી મળ્યા બાદ સંવેદનશીલ વિસ્તારોમાં તલાશી અને ઘેરાબંધી અભિયાન ઝડપથી શરૂ કરવામાં આવ્યું. તપાસ દરમિયાન ખુલ્યું કે અનેક સ્થળો ઉગ્રવાદીઓ માટે આશ્રયસ્થાન અને ટ્રાન્ઝિટ પોઇન્ટ તરીકે ઉપયોગમાં લેવામાં આવતા હતા.

પોલીસ પ્રવક્તાએ ગુરુવારે જણાવ્યું હતું કે ધરપકડ કરાયેલા ઉગ્રવાદીની ઓળખ મમતુમ મનોચા સિંહ ઉર્ફે ખુલ્લકપ્પા (44) તરીકે થઈ છે, જે નોંગલાઓબી ગામ, લીકાઈનો નિવાસી છે. તેને બિષણપુર જિલ્લાના કેબુલ લામપાઓ પોલીસ સ્ટેશનની હદમાં આવેલા ચામું ખાંગપોક વિસ્તારમાં લોકટક ઝીલ નજીક છૂપાઈ રહેલા ઝોપડે ઝડપાયો હતો. તેના પાસેથી 9 એમએમ પિસ્તોલ્સ, એક મેગેઝિન અને 9 એમએમના બે જીવતા કારતૂસ મળ્યા છે. તેના ઘરે કર્યા સર્ચમાં કેબિન ગન, ગેસ સ્ટોવ, ટેબલ ફેન, પ્રેશર કુકર અને દૈનિક ઉપયોગની ચીજવસ્તુઓ મળતાં તેની ઝોપડીને પણ આ શંકાસ્પદ પ્રવૃત્તિ માટે વાપરાતી હોવાનું જણાયું.

આ ધરપકડ બાદ બિષણપુર જિલ્લાના હી નાચો અવાંગ લીકાઈ, પોખન સલમ માટન લૂકે વિસ્તારોમાંથી વધુ એક મોટા હથિયાર જથ્થાનો જથ્થો મળી આવ્યો. જેમાં એક એકે-47 રાઇફલ, ત્રણ મેગેઝિન, 5.56 એમએમના 31 જીવતા કારતૂસો, બે એસએમજી કાર્બાઇન, બે બટન અને બે મેગેઝિન શામેલ છે.

આ જપ્તી મણિપુરમાં ધરતી નીચે ચાલી રહેલા ઉગ્રવાદી ઢાંચા નાબૂદ કરવાના પ્રયાસમાં મોટી સફળતા માનવામાં આવી રહી છે. સુરક્ષા એજન્સીઓ અને ગુપ્તચર વિભાગ મળીને આગળની કાર્યવાહીમાં લાગી ગયા છે, જેથી વધુ છુપાયેલા ઠેકાણાઓ અને સ્લીપર સેલ્સને પણ પર્દાફાશ કરી શકાય.

હિન્દુસ્થાન સમાચાર / અભિષેક બારડ