નવી દિલ્હી, 16 જુલાઈ (હિ.સ.) સદીના મેગાસ્ટાર અમિતાભ બચ્ચને માત્ર સિનેમામાં જ નહીં પરંતુ ટેલિવિઝનની દુનિયામાં પણ એક ખાસ ઓળખ બનાવી છે. તેમનો આઇકોનિક ક્વિઝ શો 'કૌન બનેગા કરોડપતિ' દરેક સીઝનમાં દર્શકોની પહેલી પસંદ રહ્યો છે. હવે આ શો તેની નવી સીઝન 'કૌન બનેગા કરોડપતિ 17' સાથે વાપસી કરી રહ્યો છે. ખાસ વાત એ છે કે આ વખતે પણ અમિતાભ બચ્ચન પોતે શોને હોસ્ટ કરતા જોવા મળશે. તાજેતરમાં જ શોનો પ્રોમો રિલીઝ થયો છે, જેને જોઈને ચાહકો ખૂબ જ ઉત્સાહિત છે અને સોશિયલ મીડિયા પર તેની જોરદાર ચર્ચા થઈ રહી છે. હવે દર્શકો એ દિવસની રાહ જોઈ રહ્યા છે જ્યારે બિગ બી ફરી એકવાર હોટ સીટ પર પોતાની શૈલીમાં કહેશે, દેવીઓ અને સજ્જનો, આપનું સ્વાગત છે...

'કૌન બનેગા કરોડપતિ 17' ના પુનરાગમનની સત્તાવાર જાહેરાત કરવામાં આવી છે. આ લોકપ્રિય ક્વિઝ શો 11 ઓગસ્ટ, 2025 થી દર સોમવારથી શુક્રવાર રાત્રે 9 વાગ્યે સોની એન્ટરટેઈનમેન્ટ ટેલિવિઝન અને સોની લિવ પર પ્રસારિત થશે. આ વખતે પણ સદીના મેગાસ્ટાર અમિતાભ બચ્ચન શોને હોસ્ટ કરતા જોવા મળશે. આ પ્રસંગે તેમના પુત્ર અભિષેક બચ્ચને એક ખાસ સંદેશ શેર કર્યો. તેમણે લખ્યું, ધ બોસ વાપસ આ ગયા હૈ! આ સાથે, તેમણે શોના પ્રોમોમાં બોલાયેલા અમિતાભના એક રમુજી સંવાદ પણ શેર કર્યો. તેમણે ફિલ્મ 'અગ્નિપથ'નો પ્રખ્યાત સંવાદ કેબીસી કે સાથ એપોઇન્ટમેન્ટ હૈ, અંગ્રેજી બોલતા હૈ ઉમેર્યો. એક તરફ અમિતાભ બચ્ચન 'કૌન બનેગા કરોડપતિ 17' સાથે નાના પડદા પર પાછા ફરી રહ્યા છે, તો બીજી તરફ સલમાન ખાન પણ ઓગસ્ટના અંત સુધીમાં 'બિગ બોસ 19' દ્વારા જિયો સિનેમામાં પાછા ફરવા જઈ રહ્યા છે. આવી સ્થિતિમાં, મનોરંજનની દુનિયામાં બે મોટા શો સામસામે હશે, જેના કારણે આ વખતે સ્પર્ધા ખૂબ જ રસપ્રદ બનવાની છે.

નોંધનીય છે કે, 'કૌન બનેગા કરોડપતિ' છેલ્લા 25 વર્ષથી દર્શકોનો વિશ્વાસ જીતી રહ્યું છે. આ શોએ સામાન્ય લોકોને કરોડપતિ બનવાની તક જ આપી નથી, પરંતુ દેશભરમાં જ્ઞાન અને બુદ્ધિમત્તાને એક નવું પ્લેટફોર્મ પણ આપ્યું છે.

હિન્દુસ્થાન સમાચાર / લોકેશ ચંદ્ર દુબે / સુનિત નિગમ

હિન્દુસ્થાન સમાચાર / ડો.હિતેશ એન.વ્યાસ