સુરત, 4 જુલાઈ (હિ.સ.)- લિંબાયત વિસ્તારમાં રહેતા સાવકા પિતાએ માત્ર નવ વર્ષની દીકરી પર દાનત બગાડી હતી. દીકરી બાથરૂમમાંથી નાહીને બહાર નીકળી તરત જ સાવકા બાપએ તેને બાહુપાશમાં જકડી લઈ શારીરિક અડપલાં કરી છેડતી કરી હતી. જેથી બાળકીએ પ્રતિકાર કરતા સાવકા બાપે એ બાત કિસી કો બતાના મત વરના તેરે કો માર ડાલુંગા તેમ કહીને જાનથી મારી નાખવાની ધમકી આપી હતી. આ ઉપરાંત અવારનવાર તેના પીછો કરી હેરાન પરેશાન કરવાનું પણ ચાલુ રાખ્યું હતું. જેથી ભોગ બનનાર બાળકી ની માતાએ ફરિયાદ નોંધાવતા પોલીસે છેડતીનો ગુનો દાખલ કરી કાયદેસરની કાર્યવાહી હાથ ધરી છે.

બનાવની વિગત એવી છે કે લિંબાયત વિસ્તારમાં રહેતી પરણીતાના અગાઉ એક યુવક સાથે લગ્ન થયા હતા. આ દરમિયાન તેમને સંતાનમાં એક દીકરી હતી. પરંતુ બાદમાં બંને વચ્ચે વિખવાદો થતા પતિ સાથે પરણીતાના તલાક થઈ ગયા હતા. જેના કારણે બાદમાં પરણીતા દીકરી સાથે એકલી વસવાટ કરતી હતી. આ દરમિયાન લિંબાયતમાં મારુતિ નગરમાં રહેતા એક યુવકના સંપર્કમાં પરણીતા આવી હતી અને યુવકે તેને સાથે લગ્ન કરવાની વાત કરી દીકરીનો સ્વીકાર કર્યો હતો. જેથી બાદમાં મહિલાએ તેની સાથે લગ્ન કરી દીકરી સાથે તેના ઘરે વસવાટ કરતી હતી. આ દરમિયાન ગત તારીખ 11/5/2025 ના રોજ સવારે 10.30થી 10.45 વાગ્યાના સમયગાળા દરમિયાન મહિલાની નવ વર્ષની પુત્રી બાથરૂમમાંથી નાહીને બહાર નીકળી હતી. આ સમયે જ મહિલાના પતિએ દીકરીને બાહુપાશમાં જકડી લઈ તેની સાથે અડપલા કરી છેડતી કરી હતી. જેથી પ્રતિકાર કર્યો હતો. જેના કારણે ઉશ્કેરાયેલા સાવકા બાપે દીકરીને યે બાત કિસી કો બતાના મત વરના તેરે કો માર ડાલુંગા તેમ કહીને જાનથી મારી નાખવાની ધમકી આપી હતી. બાદમાં માસુમ બાળકીએ સઘળી હકીકત તેની માતાને જણાવતા તેઓએ પતિ સાથે રહેવાનું બંધ કરી નીકળી ગયા હતા. જોકે ત્યારબાદ પણ યુવકે અવારનવાર દીકરી સ્કૂલે જ હતી ત્યારે તેનો પીછો કરવાનું ચાલુ રાખી હેરાન પરેશાન કરી ધમકી આપતો હતો. જેથી આખરે ગતરોજ મહિલાએ આ મામલે લીંબાયત પોલીસ મથકમાં ફરિયાદ નોંધાવતા પોલીસે તેના પતિ સામે છેડતીનો ગુનો દાખલ કરી વધુ તપાસ હાથ ધરી છે.

---------------

હિન્દુસ્થાન સમાચાર / યજુવેન્દ્ર દુબે