પોરબંદર, 23 ઓગસ્ટ (હિ.સ.): પોરબંદરના બરડાડુંગરમાં ધમધમતી દારૂની ભઠ્ઠી ઉપર ત્રાટકીને રાણાવાવ પોલીસે હજારો રૂપિયાનો મુદ્દામાલ કબ્જે કર્યો હતો.

બરડા ડુંગરમાં દારૂની ભઠ્ઠીનો નાશ જૂનાગઢ રેન્જના પોલીસ મહાનિરીક્ષક નિલેશ જાજડીયા તથા પોરબંદર પોલીસ અધિક્ષક ભગીરથસિંહ જાડેજા દ્વારા જિલ્લામાં પ્રોહીબીશન, જુગારની બદી નેસ્તનાબુદ કરવા ખાસ સૂચના કરેલ હોય જે અનુસંધાને રાણાવાવ ડીવિઝન વિભાગના પોલીસ અધિક્ષક ધ્રુવલ સી.સુતરીયાના માર્ગદર્શન હેઠળ રાણાવાવ પોલીસ સ્ટેશનના પોલીસ ઇન્સ્પેકટર એન.એન.તળાવીયા દ્વારા રાણાવાવ પોલીસ સ્ટાફને પ્રોહીબીશનની પ્રવૃત્તિ કરતા ઇસમોને ત્યાં રેઇડો કરવા સુચના કરવામાં આવેલ જે અન્વયે રાણાવાવ પોલીસ સ્ટેશનના પોલીસ ઇન્સ્પેકટર આર.વી.મોરી તથા પોલીસ સ્ટાફના માણસો બરડા ડુંગર, જંગલ વિસ્તારમાં પેટ્રોલીંગમાં હતા તે દરમ્યાન સર્વેલન્સ સ્ટાફના પોલીસ કોન્સ્ટેબલ ભરત કાનાભાઈ તથા કૃણાલસિંહ પ્રવિણસિંહને મળેલ સંયુક્ત હકીકતના આધારે બરડા ડુંગર કોઠાવાળા નેશથી પશ્ચિમે અડધો કિ.મી. દૂર હકીકતવાળી જગ્યાએ સર્ચ કર રેઇડ કરતા મુરુ ભીમાભાઇ ગુરગુટીયાની દેશી દારૂની ભઠ્ઠી મળી આવેલ જેમાંથી દેશી દારૂ બનાવવાનો આથો લીટર 700 તથા ભઠ્ઠીના સાધનો મળી કુલ કિ. રૂા. 19,100નો મુદામાલ મળી આવેલ અને મજકુર ઇસમ વિરૂધ્ધ કાયદેસરની કાર્યવાહી કરી રાણાવાવ પોલીસ સ્ટેશનમાં પ્રોહીબીશનનો ગુન્હો રજીસ્ટર કરાવેલ છે.

---------------

હિન્દુસ્થાન સમાચાર / Tejas Pravinbhai Dholariya