નવી દિલ્હી, 01 સપ્ટેમ્બર (હિ.સ.) આજે શરૂઆતના કારોબાર દરમિયાન સ્થાનિક

શેરબજારમાં તેજીનો માહોલ છે. આજના કારોબારની શરૂઆત થોડી વધારાની સાથે થઈ. બજાર

ખુલતાની સાથે જ ખરીદદારોએ ખરીદી શરૂ કરી દીધી, જેના કારણે સેન્સેક્સ અને નિફ્ટી બંને સૂચકાંકોની ચાલમાં

વેગ આવ્યો. સવારે 10 વાગ્યા સુધી

કારોબાર કર્યા પછી, સેન્સેક્સ 0.48 ટકા અને નિફ્ટી 0.49 ટકાની મજબૂતાઈ

સાથે કારોબાર કરી રહ્યો હતો.

સવારે 10 વાગ્યા સુધી કારોબાર કર્યા પછી, શેરબજારના અગ્રણી

શેરોમાં, ટેક મહિન્દ્રા, ટીસીએસ, બજાજ ફાઇનાન્સ, એક્સિસ બેંક અને

હીરો મોટોકોર્પના શેર 1.62 ટકાથી 1.05 ટકાની મજબૂતાઈ

સાથે કારોબાર કરી રહ્યા હતા. બીજી તરફ, હિન્દુસ્તાન યુનિલિવર, જિયો ફાઇનાન્સિયલ, મારુતિ સુઝુકી, રિલાયન્સ ઇન્ડસ્ટ્રીઝ અને ભારતી એરટેલના શેર 0.57 ટકાથી 0.11 ટકાના ઘટાડા

સાથે કારોબાર કરતા જોવા મળ્યા.

આજે બીએસઈનો સેન્સેક્સ 19.34 પોઈન્ટના નજીવા વધારા સાથે 79,828.99 પોઈન્ટ પર ખુલ્યો. ટ્રેડિંગ શરૂ થતાં જ

ખરીદદારોએ ખરીદી શરૂ કરી દીધી, જેના કારણે આ ઈન્ડેક્સની ચાલને વેગ મળ્યો.

સેન્સેક્સની જેમ, એનએસઈનો નિફ્ટી પણ આજે 5.85 પોઈન્ટના સાંકેતિક વધારા સાથે 24,432,70 પોઈન્ટના સ્તરે ટ્રેડિંગ શરૂ કર્યું. બજાર

ખુલતાની સાથે જ ખરીદી શરૂ થઈ, જેના કારણે આ ઈન્ડેક્સમાં વેગ આવ્યો.

ગયા સપ્તાહના છેલ્લા ટ્રેડિંગ દિવસે શુક્રવારે સેન્સેક્સ 270.92 પોઈન્ટ એટલે કે ૦.૩૨ ટકાની નબળાઈ સાથે 79,809,65 પોઈન્ટ પર બંધ થયો. તે જ સમયે, નિફ્ટી

શુક્રવારના ટ્રેડિંગમાં 74.05 પોઈન્ટ એટલે કે

૦.૩૦ ટકાના ઘટાડો સાથે 24,426.85 પોઈન્ટ પર બંધ

થયો.

હિન્દુસ્થાન સમાચાર / યોગિતા પાઠક / વીરેન્દ્ર સિંહ

હિન્દુસ્થાન સમાચાર / ડો.હિતેશ એન.વ્યાસ