પાટણ, 10 સપ્ટેમ્બર (હિ.સ.): સમીના પ્રાથમિક આરોગ્ય કેન્દ્ર (PHC)માં ઓક્સિજન પ્લાન્ટમાંથી કોપર પાઇપની ચોરીની ઘટના સામે આવી છે. અજાણ્યા શખ્સે PHC સેન્ટર ખાતે સ્થાપિત પ્લાન્ટમાંથી 28 mm x 0.9 mm માપની 42 ફૂટ લંબાઈની કોપર પાઇપ ચોરી કરી હતી.

આ અંગે PHCના ઇન્ચાર્જ અધિક્ષક નરેન્દ્રભાઈ હેમરાજભાઈ ચૌધરીએ સમી પોલીસ સ્ટેશનમાં ફરિયાદ નોંધાવી છે. ચોરી ગયેલી પાઇપની અંદાજિત કિંમત ₹30,000 જેટલી હોવાનું જણાવ્યું છે.પોલીસે આ મામલે ગુનો નોંધી લીધો છે અને તપાસ શરૂ કરી છે.

હિન્દુસ્થાન સમાચાર / હાર્દિક રાઠોડ