મહેસાણા,15 સપ્ટેમ્બર (હિ.સ.): મહેસાણા જિલ્લામાં દુર્ભાગ્યપૂર્ણ ઘટના બની હતી, જેમાં હાઇડ્રોથી કામ કરતાં કુલ 8 વ્યક્તિઓને કરંટ લાગ્યો હતો. આ દુર્ઘટનામાં 2 વ્યક્તિઓના કરૂણ મોત થયા છે જ્યારે 6 લોકો ગંભીર રીતે ઘાયલ થયા છે.

મળતી માહિતી મુજબ, હાઇડ્રોથી કામગીરી દરમ્યાન અચાનક વિદ્યુત પ્રવાહના સંપર્કમાં આવતા મજૂરોને કરંટ લાગ્યો હતો. ઘટનાસ્થળે જ હાહાકાર મચી ગયો હતો. તાત્કાલિક સહકર્મચારીઓ તથા સ્થાનિક લોકોની મદદથી તમામને હોસ્પિટલ ખસેડવામાં આવ્યા હતા. જ્યાં ડૉક્ટરોએ 2ને મૃત જાહેર કર્યા હતા, જ્યારે બાકીના 6 ઘાયલનો સારવાર હેઠળ રાખવામાં આવ્યા છે.

આ ઘટનાથી વિસ્તારમાં શોક અને ચિંતા ફેલાઈ છે. સ્થાનિક તંત્ર દ્વારા ઘટનાની તપાસ શરૂ કરવામાં આવી છે તથા સલામતીના ધોરણોનું પાલન થયું હતું કે નહીં તે અંગે પણ સમીક્ષા હાથ ધરાઈ છે. આ રીતે મહેસાણાની આ દુર્ઘટના ફરી એકવાર દર્શાવે છે કે ઔદ્યોગિક અને ટેકનિકલ કાર્યો દરમ્યાન સુરક્ષાના પગલાં લેવાનું અત્યંત જરૂરી છે.

---------------

હિન્દુસ્થાન સમાચાર / RINKU AMITKUMAR THAKOR