અમરેલી,15 સપ્ટેમ્બર (હિ.સ.)

અમરેલી શહેર ખાતે આવેલું પ્રખ્યાત વૈદનાથ મહાદેવ મંદિર ધાર્મિક આસ્થા અને શ્રદ્ધાનું પ્રતિક માનવામાં આવે છે. આ પવિત્ર ધામ ખાતે આજે ધારાસભ્ય કૌશિક વેકરિયા પધારી ભગવાન વૈદનાથ મહાદેવના પૂજન-અર્ચન તથા દર્શનનો લાભ લીધો હતો. તેમણે મંદિર પ્રાંગણમાં પરંપરાગત વિધિપૂર્વક પૂજા કરી ભક્તિભાવ સાથે મહાદેવને નમન કર્યા હતા.

પૂજા અર્ચના પૂર્ણ કર્યા બાદ ધારાસભ્ય કૌશિક વેકરિયાએ જણાવ્યું કે, અમરેલીના જનસામાન્ય માટે વૈદનાથ મહાદેવ અનંત શક્તિ અને શ્રદ્ધાનો આધાર છે. અહીં દર્શન કરી તેમને અલૌકિક શાંતિ તથા આંતરિક ધન્યતાનો અનુભવ થયો છે. તેમણે પ્રાર્થના કરી કે મહાદેવની કૃપા સૌ પર વરસતી રહે અને સમગ્ર વિસ્તારમાં સુખ-શાંતિ, સમૃદ્ધિ અને સ્વાસ્થ્યનો વિકાસ થાય.

આ અવસર પર મંદિર ટ્રસ્ટના સભ્યો અને સ્થાનિક શ્રદ્ધાળુઓ ઉપસ્થિત રહ્યા હતા. ધારાસભ્યને સ્થાનિક લોકોએ હાર્દિક આવકાર આપ્યો અને તેમની સાથે શુભેચ્છા વહેંચી.

વૈદનાથ મહાદેવ મંદિર ખાતે થયેલી આ ધાર્મિક યાત્રાએ એક તરફ ધારાસભ્યની શ્રદ્ધા દર્શાવી, તો બીજી તરફ સમાજમાં આધ્યાત્મિકતા અને સંસ્કૃતિ પ્રત્યેનો અભિપ્રાય પણ મજબૂત કર્યો.

---------------

હિન્દુસ્થાન સમાચાર / Gondaliya Abhishek Nandrambhai