ઇમ્ફાલ, નવી દિલ્હી, 28 ઓક્ટોબર (હિ.સ.) મણિપુરમાં ઉગ્રવાદીઓ અને માદક પદાર્થો વિરુદ્ધ પોલીસ અને કેન્દ્રીય સુરક્ષા દળોનું સંયુક્ત અભિયાન સતત ચાલુ છે. આ જ કડીમાં ઇમ્ફાલ ઇસ્ટ જિલ્લામાંથી એક ઉગ્રવાદીની ધરપકડ કરવામાં આવી છે.

મણિપુર પોલીસ મુખ્યાલય દ્વારા ગત મધ્યરાત્રિએ જારી કરાયેલા સત્તાવાર નિવેદનમાં જણાવાયું છે કે, મંગળવારે સીડીઓ/ઇમ્ફાલ ઇસ્ટ પોલીસ અને 28મી આસામ રાઇફલ્સની સંયુક્ત ટીમે અભિયાન ચલાવીને એક ઉગ્રવાદીની ધરપકડ કરી.

સુરક્ષા દળોએ ઇમ્ફાલ ઇસ્ટના સાવોંબુંગ ખુનજાઓમાંથી ઉગ્રવાદી સંગઠન આરપીએફ/પીએલએના એક સક્રિય કેડર, મોઇરાંગથેમ અદિતા સિંહ ઉર્ફે ટોટો (20)ની ધરપકડ કરી. તે ઇમ્ફાલ ઇસ્ટના લમલાઇ અવાંગ લીકાઇ નિવાસી એમ. પ્રેમાનંદા સિંહનો પુત્ર હોવાનું જણાવાયું છે.

પોલીસે આ સંબંધમાં પ્રાથમિકી (એફઆઈઆર) નોંધીને આગળની કાયદેસરની કાર્યવાહી ચાલુ રાખી છે.

હિન્દુસ્થાન સમાચાર / અરવિંદ રાય / અમરેશ દ્વિવેદી

હિન્દુસ્થાન સમાચાર / માધવી વ્યાસ