મુંબઈ, નવી દિલ્હી, 03 નવેમ્બર (હિ.સ.). વર્ષ 2006માં રિલીઝ થયેલી કોમેડી ફિલ્મ 'માલામાલ વીકલી'ની સિક્વલને લઈને એક મોટો બદલાવ સામે આવ્યો છે. ફિલ્મના મૂળ દિગ્દર્શક પ્રિયદર્શને તેના બીજા ભાગથી અંતર કરી લીધું છે. તેમની સાથે જ અભિનેતા રિતેશ દેશમુખ પણ આ સિક્વલનો ભાગ નહીં હોય.

પહેલાં ચર્ચા હતી કે નવી વાર્તામાં કેટલાક નવા કલાકારો સાથે જૂની ફિલ્મના સિતારાઓ પણ જોવા મળશે અને રિતેશની વાપસી લગભગ નિશ્ચિત માનવામાં આવી રહી હતી. જોકે, હવે આ બંનેના બહાર થવાથી ફિલ્મની યોજનામાં બદલાવની સંભાવના છે.

રિપોર્ટ મુજબ, પ્રિયદર્શને પોતે સિક્વલનું દિગ્દર્શન નહીં કરવાની પુષ્ટિ કરી છે. તેમણે કહ્યું, હું આ નથી કરી રહ્યો. મેં કોઈ સિક્વલ ન કરવાનો નિર્ણય કર્યો છે. તેમના આ નિવેદનથી સ્પષ્ટ થઈ ગયું છે કે તેઓ પોતાની ચર્ચિત કોમેડી ફિલ્મની આગામી કડીનું દિગ્દર્શન નહીં કરે. વળી, રિતેશ દેશમુખના પણ ફિલ્મ સાથે જોડાવાની સંભાવના સમાપ્ત થઈ ગઈ છે.

રિપોર્ટ્સ અનુસાર, 'માલામાલ વીકલી 2'માં રવીના ટંડન, પરિણીતિ ચોપરા, ઈશા દેઓલ, એલ્વિશ યાદવ અને શિલ્પા શિરોડકર જેવા કલાકારો જોવા મળી શકે છે. વળી, મૂળ ફિલ્મના પરેશ રાવલ અને રાજપાલ યાદવની વાપસીની પણ ચર્ચા છે. જણાવવામાં આવી રહ્યું છે કે આ કલાકારોએ મૌખિક સહમતિ આપી દીધી છે. ફિલ્મના દિગ્દર્શનની જવાબદારી અમિત જોષીને સોંપવામાં આવી છે, જેઓ આ પહેલાં 'તેરી બાતોં મેં ઐસા ઉલઝા જિયા'ના સહ-દિગ્દર્શક રહી ચૂક્યા છે.

હિન્દુસ્થાન સમાચાર / લોકેશ ચંદ્ર દુબે / રામાનુજ શર્મા

હિન્દુસ્થાન સમાચાર / માધવી વ્યાસ