-ભારતીય ભાષાઓના સશક્તિકરણ અને ભાષાકીય વિવિધતાના સંરક્ષણમાં ત્રિ-ભાષા નીતિ મહત્વપૂર્ણ પગલું: ડૉ. વીરેન્દ્ર સિંહ સોલંકી

ભુવનેશ્વર, નવી દિલ્હી, 29 મે (હિ સ). અખિલ ભારતીય વિદ્યાર્થી પરિષદ (અભાવિપ)ની રાષ્ટ્રીય કાર્યકારી પરિષદ બેઠક, આજે ભુવનેશ્વરમાં શરૂ થઈ. રાષ્ટ્રીય અધ્યક્ષ પ્રો. રઘુરાજ કિશોર તિવારી, રાષ્ટ્રીય મહામંત્રી ડૉ. વીરેન્દ્ર સિંહ સોલંકી અને રાષ્ટ્રીય સંગઠન મંત્રી આશિષ ચૌહાણે દીપ પ્રગટાવીને બેઠકનો શુભારંભ કર્યો. રાષ્ટ્રીય કાર્યકારી પરિષદ બેઠકના ઉદ્ઘાટન સત્રને સંબોધિત કરતા અભાવિપના રાષ્ટ્રીય મહામંત્રી ડૉ. વીરેન્દ્ર સિંહ સોલંકીએ જણાવ્યું કે, ભુવનેશ્વરમાં આયોજિત રાષ્ટ્રીય કાર્યકારી પરિષદ બેઠકમાં શિક્ષણ, વૈશ્વિક પરિદ્રશ્ય, સેવા, રમતગમત, પર્યાવરણ, ટેકનોલોજી સહિત અન્ય મહત્વપૂર્ણ વિષયો પર ચર્ચા કરવામાં આવશે.

ગત દિવસે કેન્દ્રીય માધ્યમિક શિક્ષણ બોર્ડ દ્વારા ત્રિ-ભાષા નીતિને પૂર્ણપણે લાગુ કરવાનો નિર્ણય, ભારતીય શિક્ષણના સ્વદેશીકરણ અને રાષ્ટ્રીય એકતાને સુદૃઢ કરવાની દિશામાં એક સકારાત્મક પગલું છે. દેશમાં રોજગારી અને ઉચ્ચ શિક્ષણ માટે સતત વધી રહેલા આંતર-રાજ્ય સ્થળાંતરને જોતા ભારતીય ભાષાઓનું જ્ઞાન વિદ્યાર્થીઓના ભવિષ્ય માટે અત્યંત ઉપયોગી સાબિત થશે. સંક્રમણ કાળ દરમિયાન પાઠ્યપુસ્તકોની ઉપલબ્ધતા અને શિક્ષકોની અછત જેવી વ્યાવહારિક પડકારોને પહોંચી વળવા માટે બોર્ડ દ્વારા આપવામાં આવેલા લવચીક ઉકેલો પ્રશંસનીય છે.

અભાવિપનો મત છે કે, ભાષાઓના અભ્યાસની સાથે-સાથે બોર્ડની પરીક્ષાઓ પણ ત્રિ-ભાષા વ્યવસ્થાને અનુરૂપ આયોજિત કરવી જોઈએ, જેથી આ નીતિ વધુ અસરકારક રીતે લાગુ થઈ શકે. આ બેઠકમાં રાષ્ટ્રીય શિક્ષણ નીતિના અસરકારક અમલીકરણ, ભારતીય ભાષાઓના સંવર્ધન તેમજ ત્રિ-ભાષા નીતિના વિવિધ આયામો પર વિગતવાર ચર્ચા કરવામાં આવશે. ચોક્કસપણે, અમલીકરણ પછી આ નીતિ ભારતીય ભાષાઓના સશક્તિકરણ અને ભાષાકીય વિવિધતાના સંરક્ષણમાં મીલનો પથ્થર સાબિત થશે. અભાવિપ આ વિષયને શિક્ષણ ક્ષેત્રે ગુણાત્મક પરિવર્તન અને રાષ્ટ્રીય એકાત્મતાના મહત્વપૂર્ણ માધ્યમ તરીકે જુએ છે. બેઠકમાં આ સંબંધમાં જરૂરી સૂચનો અને આગામી કાર્યયોજના પર પણ વિચાર કરવામાં આવશે.

હિન્દુસ્થાન સમાચાર / સુનીતા મહંતો / સત્યવાન

હિન્દુસ્થાન સમાચાર / ડો.હિતેશ એન.વ્યાસ