નવી દિલ્હી, 10 જુલાઈ (હિ.સ.) દેશ-દુનિયાના ઇતિહાસમાં 11 જુલાઈની તારીખ અનેક સારા-નરસા પ્રસંગોને સમાવે છે. આ તારીખે ભારતની આર્થિક રાજધાની મુંબઈને પણ હચમચાવી દીધું હતું. વર્ષ 2006ની 11 જુલાઈની સાંજે લાખો નોકરીયાત લોકો કામ પૂરું કરીને લોકલ ટ્રેનોમાં ઘરે પરત ફરી રહ્યા હતા. અચાનક 6 વાગીને 20 મિનિટે ચર્ચગેટથી બોરીવલી જતી ટ્રેનમાં ખાર અને સાંતાક્રુઝ વચ્ચે બોમ્બ ધડાકો થયો.
થોડી જ વારમાં અલગ-અલગ ટ્રેનોમાં ધડાકાની ખબર આવવા લાગી. આગામી થોડા જ મિનિટોમાં સાત બોમ્બ ધડાકા થયા. 189 લોકોનાં મોત થયા અને લગભગ 800 લોકો ઘાયલ થયા. આ તમામ વિસ્ફોટ મુંબઈની લોકલ ટ્રેનોના પ્રથમ વર્ગના ડબ્બાઓમાં થયા હતા. ખાર, બાંદ્રા, જોગેશ્વરી, માહિમ, બોરીવલી, માટુંગા અને મીરા-ભાયંદર રેલવે સ્ટેશનો પાસે થયેલા આ ધડાકાઓની તપાસમાં ખુલાસો થયો કે ટ્રેનોમાં મૂકાયેલા બોમ્બ આરડીએક્સ, એમોનિયમ નાઇટ્રેટ અને ફ્યુઅલ ઓઇલથી બનાવવામાં આવ્યા હતા. નુકસાન વધુ થાય તે માટે આ બોમ્બોમાં કીલ પણ નાખવામાં આવી હતી. તમામ બોમ્બોને પ્રેશર કુકરમાં મૂકીને ટાઇમર દ્વારા વિસ્ફોટિત કરવામાં આવ્યા હતા.
મહત્વપૂર્ણ ઘટનાક્રમ
1922 - હોલીવુડ બાઉલની શરૂઆત.
1979 - અમેરિકન અંતરિક્ષ પ્રયોગશાળા સ્કાયલેબ વિખંડિત થઈને ઓસ્ટ્રિયાના પશ્ચિમ કાંઠા નજીક સમુદ્રમાં પડી.
2002 - ચાંગ શાંગ દક્ષિણ કોરિયાની પ્રથમ મહિલા વડાપ્રધાન બની.
2003 - લાહોરમાં 'દોસ્તી બસ' અને દિલ્હીથી 'સદા-એ-સરહદ' બસનું સંચાલન.
2004 - એચઆઈવી-એડ્સ પર એશિયાઈ મંત્રીઓનું સંમેલન બેંગકોકમાં.
2004 - પાકિસ્તાનના કબજાવાળા કાશ્મીરમાં હાસ્યાસ્પદ ચૂંટણી.
2007 - ચર્ચિત ચિત્રકાર એમ.એફ. હુસૈને ન્યૂયોર્કની કલા પ્રદર્શનમાં મુખ્ય અતિથિ તરીકે ભાગ લીધો.
2008 - પાકિસ્તાનના વજીરિસ્તાન પ્રાંતમાં થયેલા અમેરિકન હવાઈ હુમલામાં 11 લોકો ઘાયલ.
જન્મ
1899 - રાજસ્થાનના દ્વિતીય મુખ્યમંત્રી સી.એસ. વેંકટાચાર.
1902 - ભારતના પ્રથમ રક્ષામંત્રી સરદાર બલદેવ સિંહ.
1956 - અંગ્રેજી ભાષાના સાહિત્યકાર અમિતાભ ઘોષ.
1857 - ભારતીય ન્યાયાધીશ અને રાજનેતા સી. શંકરન નાયર.
નિધન
1912 - પ્રખ્યાત ફ્રેન્ચ નેત્રરોગ વિશેષજ્ઞ ફર્ડિનાન્ડ મોનોયેર.
1957 - શિયા નિઝારી ઇસ્માઈલી મતના આધ્યાત્મિક નેતા આગા ખાન (તૃતીય).
2003 - ભારતીય લેખક ભીષ્મ સાહની.
2011 - પરમવીર ચક્રથી સન્માનિત સેકન્ડ લેફ્ટનન્ટ રામા રાઘોબા રાણે.
મહત્વપૂર્ણ અવસર
- વિશ્વ જનસંખ્યા દિવસ.
હિન્દુસ્થાન સમાચાર / મુકુંદ
હિન્દુસ્થાન સમાચાર / માધવી વ્યાસ
