નવી દિલ્હી, 17 જુલાઈ (હિ.સ.). કેન્દ્રીય ગૃહ મંત્રાલયે વર્ષ 1994 બેચ એજીએમયુટી કેડરના આઈપીએસ અને વરિષ્ઠ અધિકારી અનુરાગ કુમારને, દિલ્હી પોલીસના નવા કમિશનર તરીકે નિયુક્ત કર્યા છે. આજે જારી કરાયેલા આદેશ અનુસાર, તેમની નિમણૂક કાર્યભાર સંભાળવાની તારીખથી અમલમાં આવશે અને આગામી આદેશ સુધી તેઓ આ પદ પર રહેશે. ગૃહ મંત્રાલય અનુસાર, વર્તમાન પોલીસ કમિશનર સતીશ ગોલચા (1992 બેચ, એજીએમયુટી) નવા કમિશનરનો કાર્યભાર સંભાળ્યા પછી આગળની પોસ્ટિંગ માટે દિલ્હીના ઉપરાજ્યપાલ સમક્ષ રિપોર્ટ કરશે.

દિલ્હી પોલીસના સર્વોચ્ચ પદ પર થયેલા આ ફેરફારને વહીવટી દૃષ્ટિએ મહત્વપૂર્ણ માનવામાં આવી રહ્યો છે. અનુરાગ કુમારને એવા સમયે રાજધાનીની કાયદો અને વ્યવસ્થાની જવાબદારી સોંપવામાં આવી છે, જ્યારે સાયબર અપરાધ, સંગઠિત અપરાધ, માદક પદાર્થોની તસ્કરી, મહિલાઓની સુરક્ષા અને ટ્રાફિક વ્યવસ્થાપન જેવા પડકારો સતત વધી રહ્યા છે. નવા પોલીસ કમિશનર પાસેથી આ ક્ષેત્રોમાં અસરકારક રણનીતિ અને બહેતર પોલીસિંગની અપેક્ષા રાખવામાં આવી રહી છે. ગૃહ મંત્રાલયના આદેશ બાદ દિલ્હી પોલીસ મુખ્યાલયમાં નવા નેતૃત્વને લઈને તૈયારીઓ શરૂ થઈ ગઈ છે.

હિન્દુસ્થાન સમાચાર / કુમાર અશ્વની / મુકુંદ

હિન્દુસ્થાન સમાચાર / માધવી વ્યાસ