નવી દિલ્હી, 23 જુલાઈ (હિ.સ.). સોશિયલ મીડિયા અભિયાન કોકરોચ જનતા પાર્ટી (સીજેપી) ના પ્રમુખ અભિજીત દીપકેની ગુરુવારે તબિયત ખરાબ થઈ ગઈ. તેમને તીવ્ર તાવ છે. આ માહિતી ખુદ દીપકેએ એક્સ પર એક પોસ્ટ દ્વારા આપી.

દીપકેએ લખ્યું, ''છેલ્લા કેટલાક દિવસોથી મને તાવ અને શરીરમાં તીવ્ર દુખાવો છે પરંતુ અત્યાર સુધી દર્દની દવા લઈને હું કામ ચલાવી રહ્યો છું. જો આજે તમે મને જંતર-મંતર પર ન જોઈ શકો તો માફ કરજો. મને સાજા થવા માટે થોડા કલાકો આરામ કરવાની જરૂર છે. સાંજ સુધીમાં હું વિરોધ-પ્રદર્શનવાળી જગ્યા પર પાછો આવી જઈશ.''

ઉલ્લેખનીય છે કે, વિદ્યાર્થી આંદોલનનું નેતૃત્વ કરી રહેલી સીજેપીએ 'સંસદ ચલો' માર્ચની જાહેરાત કરી હતી જેના પછી 20 જુલાઈએ હજારોની સંખ્યામાં એકત્ર થયેલા વિદ્યાર્થીઓએ વિરોધ પ્રદર્શન કર્યું હતું. તેઓ શિક્ષણ પ્રણાલીમાં અનિયમિતતા અને પેપર લીક મામલાને લઈને કેન્દ્રીય શિક્ષણ મંત્રી ધર્મેન્દ્ર પ્રધાનના રાજીનામાની માંગ કરી રહ્યા છે.

હિન્દુસ્થાન સમાચાર / શ્રદ્ધા દ્વિવેદી / પવન કુમાર

હિન્દુસ્થાન સમાચાર / ડો.હિતેશ એન.વ્યાસ