નવી દિલ્હી, 25 જુલાઈ (હિ.સ.). ભારતીય જનતા પાર્ટીના અધ્યક્ષ નીતિન નવીને, કેન્દ્રીય શિક્ષણ મંત્રી ધર્મેન્દ્ર પ્રધાનના રાજીનામા પર પ્રતિક્રિયા આપતા કહ્યું કે, શિક્ષણ મંત્રી તરીકે તેમણે ભારતની શિક્ષણ પ્રણાલીમાં વ્યાપક સુધારાઓમાં મુખ્ય ભૂમિકા ભજવી હતી અને રાષ્ટ્રીય શિક્ષણ નીતિ સહિત અનેક સીમાચિહ્નરૂપ પહેલોને સફળતાપૂર્વક અમલમાં મૂકી હતી.

એક્સ પર શેર કરેલા સંદેશમાં, ભાજપ અધ્યક્ષે કહ્યું કે, તેમનું રાજીનામું, વ્યાપક જાહેર હિતને પ્રાથમિકતા આપતા, જાહેર જીવનમાં પ્રામાણિકતા, જવાબદારી અને નિઃસ્વાર્થ સેવાના ઉચ્ચતમ ધોરણોને પ્રતિબિંબિત કરે છે. તેમણે કહ્યું કે, પાર્ટી આ નિર્ણયમાં ધર્મેન્દ્ર પ્રધાન સાથે મજબૂત રીતે ઉભી છે અને તેમને તેમના ભવિષ્ય માટે શુભકામનાઓ પાઠવે છે.

ઉલ્લેખનીય છે કે, નીટ પેપર લીકને લઈને વિદ્યાર્થીઓના લાંબા વિરોધ અને વધતા દબાણ વચ્ચે કેન્દ્રીય શિક્ષણ મંત્રી ધર્મેન્દ્ર પ્રધાને શનિવારે તેમના પદ પરથી રાજીનામું આપ્યું હતું.

હિન્દુસ્થાન સમાચાર / વિજયાલક્ષ્મી / સંજીવ પાશ

હિન્દુસ્થાન સમાચાર / માધવી વ્યાસ