નવી દિલ્હી, 25 જુલાઈ (હિ.સ.). પ્રધાનમંત્રી નરેન્દ્ર મોદીએ, શનિવારે ભારતીય પેરા-પાવરલિફ્ટર ઝંડુ કુમારને 2026 કોમનવેલ્થ ગેમ્સમાં મેડલ જીતવા બદલ હાર્દિક અભિનંદન પાઠવ્યા.

પ્રધાનમંત્રી મોદીએ સોશિયલ મીડિયા પ્લેટફોર્મ એક્સ પર કહ્યું, ઝંડુ કુમારનું શાનદાર પ્રદર્શન! તેમણે 2026 કોમનવેલ્થ ગેમ્સમાં પુરુષોની હેવીવેઇટ પેરા-પાવરલિફ્ટિંગ ઇવેન્ટમાં બ્રોન્ઝ મેડલ જીતીને ભારતની મેડલ ટેલી ખોલી છે. તેમને અભિનંદન! તેમની સિદ્ધિ તેમની પ્રચંડ શક્તિ, અટલ નિશ્ચય અને વર્ષોની શિસ્તબદ્ધ મહેનતનું એક તેજસ્વી ઉદાહરણ છે. દરેક પડકારનો સામનો કરીને અને આંતરરાષ્ટ્રીય મંચ પર શાનદાર પ્રદર્શન કરીને, તેમણે સમગ્ર રાષ્ટ્ર માટે સન્માન લાવ્યું છે અને અસંખ્ય ભારતીયોને પ્રેરણા આપી છે.

ઉલ્લેખનીય છે કે, ભારતીય પેરા-પાવરલિફ્ટર ઝંડુ કુમારે શુક્રવારે મોડી રાત્રે પુરુષોની હેવીવેઇટ પેરા-પાવરલિફ્ટિંગ ઇવેન્ટમાં બ્રોન્ઝ મેડલ જીતીને દેશનો પહેલો મેડલ જીત્યો હતો.

હિન્દુસ્થાન સમાચાર/શ્રદ્ધા દ્વિવેદી/અમરેશ દ્વિવેદી

હિન્દુસ્થાન સમાચાર / માધવી વ્યાસ