નવી દિલ્હી, 9 જુલાઈ (હિ.સ.). પ્રધાનમંત્રી નરેન્દ્ર મોદીએ કહ્યું કે, મજબૂત શ્રદ્ધા, સતત પ્રયાસ અને સકારાત્મક વિચારસરણી સફળતાની સાચી ચાવી છે. તેમણે વિશ્વાસ વ્યક્ત કર્યો કે, દેશના યુવાનો, આ ગુણો સાથે, વિકસિત ભારત બનાવવા માટે સંપૂર્ણપણે સમર્પિત છે.

તેમણે આજે એક્સ પર એક સુભાષિતમ્ શેર કર્યું:

अनिर्वेदः श्रियो मूलमनिर्वेदः परं सुखम्। अनिर्वेदो हि सततं सर्वार्थेषु प्रवर्तकः॥

આનો અર્થ એ છે કે, આશા ન ગુમાવવી, હિંમત જાળવી રાખવી અને ઉત્સાહથી સતત પ્રયત્નશીલ રહેવું એ સમૃદ્ધિનો મૂળભૂત પાયો છે. આ જ સાચા સુખનો માર્ગ છે. જે લોકો ક્યારેય હિંમત હારતા નથી અને સકારાત્મક વિચારસરણી સાથે કામ કરતા રહે છે, તેઓ જ જીવનના દરેક ધ્યેયમાં સફળતા પ્રાપ્ત કરે છે.

પ્રધાનમંત્રીએ કહ્યું કે, દેશના યુવાનો, મજબૂત શ્રદ્ધા, અથાક મહેનત અને સકારાત્મક વલણ સાથે, વિકસિત ભારત માટેના સંકલ્પને સાકાર કરવામાં મહત્વપૂર્ણ ભૂમિકા ભજવી રહ્યા છે. ફક્ત મજબૂત નિશ્ચય અને સતત પ્રયાસ જ વ્યક્તિને સફળતાના શિખર પર લઈ જઈ શકે છે.

હિન્દુસ્થાન સમાચાર/માધવી ત્રિપાઠી/મુકુંદ

હિન્દુસ્થાન સમાચાર / માધવી વ્યાસ