ભોપાલ, નવી દિલ્હી, 05 ઓગસ્ટ (હિ.સ.). મધ્ય પ્રદેશની રાજધાની ભોપાલમાં બુધવારથી ભારતની અધ્યક્ષતામાં બ્રિક્સ સાંસ્કૃતિક સંમેલન-2026નો પ્રારંભ થઈ ગયો છે. અહીં કુશાભાઉ ઠાકરે કન્વેન્શન (મિન્ટો હોલ)માં બ્રિક્સ દેશોના અધિકારીઓની બેઠક ચાલી રહી છે.

બેઠક પહેલાં મિન્ટો હોલમાં સવારે 11 વાગ્યે તમામ મહેમાનોનું ફોટો સેશન થયું. આ પછી બેઠકોનો દોર શરૂ થઈ ગયો. ચાર દિવસ સુધી ચાલનારા આ વૈશ્વિક સંમેલનમાં ભાગીદાર દેશોના 100થી વધુ પ્રતિનિધિઓ સામેલ થઈ રહ્યા છે. સંમેલનમાં સાંસ્કૃતિક સહયોગ, વારસો સંરક્ષણ અને પરસ્પર ભાગીદારી સાથે સંકળાયેલા અનેક મહત્વપૂર્ણ સત્રો આયોજિત કરવામાં આવશે.

મિન્ટો હોલ પરિસરમાં 'જ્ઞાન ભારતમ', 'પ્રોજેક્ટ મોસમ' અને 'પ્રોજેક્ટ બૃહત્તર ભારત' પર ત્રણ વિશેષ પ્રદર્શનોનું આયોજન કરવામાં આવ્યું છે. આ પ્રદર્શનો આ ચારેય દિવસ સામાન્ય જનતા માટે પણ ખુલ્લા છે. પ્રદર્શનો ભારતની હસ્તપ્રત વારસો, દરિયાઈ સાંસ્કૃતિક સંબંધો અને સભ્યતાગત જોડાણને પ્રદર્શિત કરવાની સાથે વારસો સંરક્ષણ, સાંસ્કૃતિક રાજદ્વારી અને આંતરરાષ્ટ્રીય સહયોગમાં ભારતની પહેલોને રેખાંકિત કરશે.

હિન્દુસ્થાન સમાચાર / મુકેશ તોમર / અમરેશ દ્વિવેદી

હિન્દુસ્થાન સમાચાર / ડો.હિતેશ એન.વ્યાસ