કાઠમંડુ, નવી દિલ્હી, 01 સપ્ટેમ્બર (હિ.સ.) પૂર અને ભૂસ્ખલનનો જોખમ વધતા ચીને, નેપાળ સાથેના પોતાના મુખ્ય વેપારી સરહદી નાકા રસુવાગઢી અને તાતોપાનીને અનિશ્ચિતકાળ માટે બંધ કરી દીધા છે.

ભોટેકોશી નદીમાં આવેલી વિનાશક પૂરથી રસુવાગઢી સરહદી નાકાના ટિમુરે બજાર, કસ્ટમ્સ ઓફિસ અને ઇમિગ્રેશન ઓફિસ સહિત અનેક માળખાં સંપૂર્ણપણે ધ્વસ્ત થઈ ગયા છે. આ દરમિયાન ચીને અન્ય એક મુખ્ય નાકો તાતોપાની પણ બંધ કરી દીધો છે.

લ્હાસામાં સ્થિત નેપાળી મહાવાણિજ્યદૂત લક્ષ્મી નિરૌલાએ જણાવ્યું કે, લિપિંગ વિસ્તારમાં ભૂસ્ખલનનો ખતરો સ્થિર ન થાય ત્યાં સુધી ચીની પક્ષ દ્વારા વેપારી પ્રવૃત્તિઓ ફરી શરૂ થવાની શક્યતા નથી. જોકે, મુસાફરોની અવરજવર ચાલુ રહેશે.

રસુવાગઢી અને તાતોપાની બંને સરહદી નાકા બંધ થયા બાદ હવે નેપાળ માટે ચીન સાથે વેપાર કરવા કોરલા સરહદી નાકો જ એકમાત્ર મુખ્ય વેપારી વિકલ્પ તરીકે બચ્યો છે.

હિન્દુસ્થાન સમાચાર / પંકજ દાસ / મુકુંદ

હિન્દુસ્થાન સમાચાર / ડો.હિતેશ એન.વ્યાસ