ભાવનગર, 15 સપ્ટેમ્બર (હિ.સ.)સિહોર તાલુકાના પ્રાથમિક આરોગ્ય કેન્દ્ર ઉસરડ તથા વડિયા ગામ ખાતે હેન્ડહેલ્ડ X-ray વાન દ્વારા જનસમુદાયના X-ray કરવાની કામગીરી હાથ ધરવામાં આવી હતી. આ આરોગ્યલક્ષી કામગીરીનો મુખ્ય હેતુ ગ્રામ્ય વિસ્તારમાં લોકોને સ્થળ પર જ જરૂરી તપાસની સુવિધા ઉપલબ્ધ કરાવવાનો હતો.

પ્રાથમિક આરોગ્ય કેન્દ્ર ઉસરડ ખાતે યોજાયેલી આ કામગીરીમાં પ્રાથમિક આરોગ્ય કેન્દ્રના સ્ટાફ ઉપરાંત DTC ભાવનગર અને TU સિહોરના સ્ટાફ દ્વારા સંયુક્ત રીતે કામગીરી કરવામાં આવી હતી. હેન્ડહેલ્ડ X-ray વાનની મદદથી જરૂરી જણાતા લોકોના X-ray સ્થળ પર જ કરવામાં આવ્યા હતા.

ગ્રામ્ય વિસ્તારોમાં આરોગ્ય સેવાઓને વધુ સુલભ બનાવવા માટે આ પ્રકારની મોબાઇલ આરોગ્ય સેવાઓ મહત્વપૂર્ણ સાબિત થઈ રહી છે. ખાસ કરીને વિવિધ કારણોસર મોટા આરોગ્ય કેન્દ્રો કે હોસ્પિટલ સુધી તપાસ માટે પહોંચી શકતા ન હોય તેવા લોકોને પોતાના ગામ અને નજીકના આરોગ્ય કેન્દ્ર ખાતે જ તપાસની સુવિધા મળી રહે તે માટે આ પહેલ ઉપયોગી બની રહી છે.

ઉસરડ અને વડિયા ખાતે યોજાયેલી આ કામગીરી દરમિયાન આરોગ્ય વિભાગના કર્મચારીઓએ પરસ્પર સંકલન સાથે કામગીરી કરી હતી. હેન્ડહેલ્ડ X-ray જેવી ટેકનોલોજીના ઉપયોગથી જરૂરી તપાસ ઝડપથી અને સુવિધાજનક રીતે હાથ ધરવામાં આવી હતી.

આ કામગીરી થકી ગ્રામ્ય જનસમુદાયમાં આરોગ્ય તપાસ અંગે જાગૃતિ વધારવા તેમજ જરૂરી તબીબી તપાસ સમયસર મળી રહે તે દિશામાં મહત્વપૂર્ણ પ્રયાસ કરવામાં આવ્યો હતો. આરોગ્ય વિભાગની ટીમ દ્વારા સંયુક્ત કામગીરીથી લોકોને સ્થળ પર જ તપાસની સુવિધા મળી હતી.

---------------

હિન્દુસ્થાન સમાચાર / DISHANT NANDRAMBHAI GONADLIYA