ભરૂચ, 15 સપ્ટેમ્બર (હિ.સ.) અંકલેશ્વર જીઆઈડીસીના ગોકુલ પાર્ટી પ્લોટ ખાતે રાજસ્થાની સમાજ દ્વારા લોકદેવતા બાબા રામદેવજીનું ભવ્ય જાગરણ અને ભક્તિ ભજન કાર્યક્રમનું આયોજન કરવામાં આવ્યું હતું. ભક્તિમય વાતાવરણમાં યોજાયેલા આ ધાર્મિક કાર્યક્રમમાં મોટી સંખ્યામાં ભક્તોએ ઉપસ્થિત રહી બાબા રામદેવજીના દર્શન તથા ભક્તિ ભજનનો લાભ લીધો હતો.

રાજસ્થાની સમાજ દ્વારા દર વર્ષે બે જાગરણનું આયોજન કરવામાં આવે છે. આ પરંપરા અંતર્ગત આ વર્ષે પણ બાબા રામદેવજીના જાગરણનું ધામધૂમપૂર્વક આયોજન કરવામાં આવ્યું હતું. ગોકુલ પાર્ટી પ્લોટ ખાતે ભજન-કીર્તન અને ભક્તિના માહોલથી સમગ્ર વાતાવરણ ભક્તિમય બની ગયું હતું. ભક્તોએ શ્રદ્ધા અને ભાવપૂર્વક બાબા રામદેવજીની આરાધના કરી હતી.

જાગરણ દરમિયાન ભક્તિભર્યા ભજનોની રમઝટ બોલાવવામાં આવી હતી. ભજન-કીર્તનના કાર્યક્રમથી ઉપસ્થિત ભક્તોમાં ભારે ઉત્સાહ જોવા મળ્યો હતો. રાજસ્થાની સમાજના ભક્તો અને આગેવાનો મોટી સંખ્યામાં જોડાઈ ધાર્મિક કાર્યક્રમને સફળ બનાવ્યો હતો.

કાર્યક્રમ દરમિયાન બાબા રામદેવજીના જાગરણમાં સહયોગ આપનાર સહયોગ દાતાઓનું સન્માન કરવામાં આવ્યું હતું. સમાજના આગેવાનો દ્વારા સહયોગ દાતાઓનો આભાર વ્યક્ત કરવામાં આવ્યો હતો. ધાર્મિક કાર્યક્રમને સફળ બનાવવા માટે સહયોગ આપનાર તમામ દાતાઓની સમાજ દ્વારા પ્રશંસા કરવામાં આવી હતી.

રાજસ્થાની સમાજ દ્વારા દર વર્ષે બાબા રામદેવજીના જાગરણનું આયોજન કરી ધાર્મિક અને સાંસ્કૃતિક પરંપરાને જાળવી રાખવાનો પ્રયાસ કરવામાં આવે છે. જાગરણ જેવા કાર્યક્રમો દ્વારા સમાજના લોકો એકત્રિત થઈ ભક્તિભાવ સાથે ધાર્મિક પરંપરાઓને આગળ ધપાવે છે.

અંકલેશ્વર જીઆઈડીસી ખાતે યોજાયેલા આ ભવ્ય જાગરણમાં ભક્તિ, શ્રદ્ધા અને સામાજિક એકતાનો સુંદર સંગમ જોવા મળ્યો હતો. સમગ્ર કાર્યક્રમ દરમિયાન ભક્તિમય વાતાવરણ છવાયેલું રહ્યું હતું.

હિન્દુસ્થાન સમાચાર / અતુલકુમાર પટેલ