મુંબઈ, નવી દિલ્હી, 29 સપ્ટેમ્બર (હિ.સ.) અભિનેત્રી ઐશ્વર્યા રાયે ફરી એકવાર પોતાની ફેશન શૈલીથી લોકોનું ધ્યાન ખેંચ્યું છે. પેરિસ ફેશન વીક 2026માં તેમણે એફિલ ટાવરના સુંદર નજારા વચ્ચે, પ્લેસ જોફ્રેમાં આયોજિત રેમ્પ શોમાં ભાગ લીધો. લોરિયલ પેરિસના વૈશ્વિક એમ્બેસેડર ઐશ્વર્યાએ આ વર્ષની થીમ 'વોક યોર વર્થ' હેઠળ રેમ્પ વોક કર્યો. તેમની સાથે મોડલ કેન્ડલ જેનર અને અભિનેત્રી ઇવા લોન્ગોરિયા પણ આ ખાસ ફેશન શોનો ભાગ બની.

શાહી લુકમાં નજર આવી ઐશ્વર્યા-

લોરિયલ પેરિસના 9મા 'લે ડિફિલે' કાર્યક્રમમાં ઐશ્વર્યાનો અંદાજ, ખૂબ જ ખાસ રહ્યો. સોશિયલ મીડિયા પર સામે આવેલા વીડિયોમાં તેઓ ડિઝાઇનર યારા શૂમેકર દ્વારા તૈયાર કરાયેલી કાળા રંગના મખમલી ડ્રેસમાં નજર આવી. તેણે પોતાના લુકને ક્રાઉન સ્ટાઇલ ટિયારાથી પૂર્ણ કર્યો. બરગન્ડી રંગના વાળ અને આકર્ષક મેકઅપ સાથે તેમનો આખો લુક શાહી અંદાજ ધરાવતો હતો. રેમ્પ પર ઐશ્વર્યાની હાજરી અને આત્મવિશ્વાસથી શોમાં ખાસ આકર્ષણ ઉમેર્યું.

ઐશ્વર્યા લાંબા સમયથી લોરિયલ પેરિસ સાથે જોડાયેલા છે અને આંતરરાષ્ટ્રીય ફેશન મંચો પર ભારતનું પ્રતિનિધિત્વ કરતા રહ્યા છે. પેરિસ ફેશન વીકના આ શોના વીડિયો અને તસવીરો સામે આવ્યા બાદ સોશિયલ મીડિયા પર તેમના લુકની ખૂબ ચર્ચા થઈ રહી છે. પ્રશંસકો તેમના શાહી અંદાજ, સ્ટાઇલ અને રેમ્પ વોકની પ્રશંસા કરી રહ્યા છે.

હિન્દુસ્થાન સમાચાર / લોકેશ ચંદ્ર દુબે / રામાનુજ શર્મા

હિન્દુસ્થાન સમાચાર / માધવી વ્યાસ