અમરેલી,04 સપ્ટેમ્બર (હિ.સ.) સાવરકુંડલા શહેર માટે મહત્વપૂર્ણ વિકાસકાર્ય પૂર્ણ થતાં આજે આશરે ₹28 કરોડના ખર્ચે નિર્મિત સુએજ ટ્રીટમેન્ટ પ્લાન્ટનું લોકાર્પણ કરવામાં આવ્યું હતું. 7,340 MLD ક્ષમતા ધરાવતા આ પ્લાન્ટનું લોકાર્પણ માનનીય સાંસદ ભારત સુતરિયાના હસ્તે કરવામાં આવ્યું હતું. આ પ્રસંગે સ્થાનિક આગેવાનો અને નાગરિકો સાથે સહભાગી બનવાનો અવસર મળ્યો હતો.

આ સુએજ ટ્રીટમેન્ટ પ્લાન્ટ શરૂ થવાથી શહેરમાં ગંદા પાણીના વૈજ્ઞાનિક અને અસરકારક નિકાલની વ્યવસ્થા વધુ મજબૂત બનશે. ગંદા પાણીને યોગ્ય રીતે ટ્રીટ કરીને તેનો નિકાલ કરવામાં આવવાથી શહેરની સ્વચ્છતા વ્યવસ્થામાં નોંધપાત્ર સુધારો થવાની આશા છે.

પ્લાન્ટના નિર્માણથી પર્યાવરણ સંરક્ષણને પણ વેગ મળશે. ગંદા પાણીના યોગ્ય ટ્રીટમેન્ટ અને વ્યવસ્થિત નિકાલથી આસપાસના વિસ્તારોમાં સ્વચ્છતા જાળવવામાં મદદ મળશે તેમજ નાગરિકોને વધુ સારી સુવિધાઓ ઉપલબ્ધ થશે.

લોકાર્પણ પ્રસંગે શહેરના વિકાસમાં પાણી અને સ્વચ્છતા સંબંધિત માળખાકીય સુવિધાઓના મહત્વ પર ભાર મૂકવામાં આવ્યો હતો. સાવરકુંડલાના સર્વાંગી વિકાસની દિશામાં આ પ્રોજેક્ટને મહત્વપૂર્ણ પગલું ગણાવવામાં આવ્યું હતું. આગામી સમયમાં આ પ્લાન્ટના કારણે શહેરની સ્વચ્છતા, પર્યાવરણ અને નાગરિક સુવિધાઓ વધુ સુદૃઢ બનશે તેવી આશા વ્યક્ત કરવામાં આવી હતી.

હિન્દુસ્થાન સમાચાર / Gondaliya Abhishek Nandrambhai