નવી દિલ્હી, 15 સપ્ટેમ્બર (હિ.સ.) આંતરરાષ્ટ્રીય બજારમાં ક્રૂડ ઓઇલના ઉછાળા વચ્ચે, સ્થાનિક બજારમાં પેટ્રોલ અને ડીઝલના ભાવ સ્થિર રહ્યા હતા. જાહેર ક્ષેત્રની ઓઇલ માર્કેટિંગ કંપનીઓએ સતત 10 મા દિવસે બંને ઇંધણના ભાવમાં ફેરફાર કર્યો નથી. બુધવારે દિલ્હીમાં પેટ્રોલ 101.19 રૂપિયા પ્રતિ લીટર હતું, જ્યારે ડીઝલ પણ 88.62 રૂપિયા પ્રતિ લીટર પર સ્થિર રહ્યું હતું.

ઇન્ડિયન ઓઇલની વેબસાઇટ અનુસાર, દેશના અન્ય મહાનગરોમાં મુંબઇ, ચેન્નઇ અને કોલકાતામાં પેટ્રોલની કિંમત અનુક્રમે 107.26 રૂપિયા, 98.96 રૂપિયા અને 101.62 રૂપિયા પ્રતિ લિટર પર સ્થિર છે. તે જ સમયે, ડીઝલ અનુક્રમે 96.19 રૂપિયા, 93.26 રૂપિયા અને 91.71 રૂપિયા પ્રતિ લીટર મળી રહ્યું છે.

ઉલ્લેખનીય છે કે, સપ્ટેમ્બરમાં પેટ્રોલ અને ડીઝલના ભાવમાં અત્યાર સુધીમાં બે વખત ફેરફાર કરવામાં આવ્યો છે. જેમાં બંને ઇંધણના ભાવમાં અનુક્રમે 30 પૈસા પ્રતિ લીટરનો ઘટાડો કરવામાં આવ્યો છે. પરંતુ, સામાન્ય લોકોને પેટ્રોલ અને ડીઝલના મોંઘવારીમાંથી રાહત મળે તેવી અપેક્ષા છે. હકીકતમાં, GST કાઉન્સિલની 45 મી બેઠક શુક્રવાર, 17 સપ્ટેમ્બરે નાણામંત્રી નિર્મલા સીતારમણની અધ્યક્ષતામાં યોજાઈ રહી છે. આ બેઠકમાં પેટ્રોલિયમ પેદાશોને જીએસટીમાં સમાવવાની શક્યતા અંગે ચર્ચા કરવામાં આવશે.

હિન્દુસ્થાન સમાચાર/પ્રજેશ શંકર/ માધવી