નવી દિલ્હી, 01 ફેબ્રુઆરી (હિ.સ.) બુધવારે દેશનું સામાન્ય બજેટ રજૂ કરતા, કેન્દ્રીય નાણાપ્રધાન નિર્મલા સીતારમણે રમતગમત ક્ષેત્ર માટે ઇતિહાસમાં અત્યાર સુધીની સૌથી વધુ રકમ ફાળવી. વિક્રમી ઉછાળા સાથે, રમતગમત ક્ષેત્રના વિકાસ માટે કેન્દ્રીય બજેટમાં રૂ.3397.32 કરોડની રકમ ફાળવવામાં આવી હતી.

રમતગમત ક્ષેત્રે, આ બજેટ આ વર્ષે યોજાનારી એશિયન ગેમ્સ અને 2024 પેરિસ ઓલિમ્પિક પહેલા એક મોટા પ્રોત્સાહન તરીકે આવ્યું છે. ગયા નાણાકીય વર્ષમાં રમતગમતનું બજેટ 2757.02 કરોડ રૂપિયા હતું. ટાર્ગેટ ઓલિમ્પિક પોડિયમ (ટોપ) યોજના દ્વારા રમતવીરોની તાલીમમાં પણ મોટો વધારો થયો છે.

સ્પોર્ટ્સ ઓથોરિટી ઓફ ઈન્ડિયાને આ વર્ષના સ્પોર્ટ્સ બજેટમાં રૂ. 785.52 કરોડનો ટેકો મળ્યો છે. દરમિયાન, ખેલો ઈન્ડિયાને સ્પોર્ટ્સ બજેટમાં સૌથી વધુ 1045 કરોડ રૂપિયાની ફાળવણી કરવામાં આવી છે.

બાકીની રકમ રાષ્ટ્રીય રમત મહાસંઘ (રૂ.325 કરોડ), રાષ્ટ્રીય સેવા યોજના (રૂ.325 કરોડ) અને રાષ્ટ્રીય રમત વિકાસ કોષ (રૂ.15 કરોડ) માટે ફાળવવામાં આવ્યા છે.

હિન્દુસ્થાન સમાચાર/ સુનીલ / માધવી