નવી દિલ્હી, 26 એપ્રિલ (હિ.સ.) દુબઈમાં ગુરુવારે 21મી, એશિયન અંડર-20 એથ્લેટિક્સ ચેમ્પિયનશિપના બીજા દિવસે ભારતીય ખેલાડીઓએ, પુરૂષો અને મહિલાઓની 3,000 મીટર સ્ટીપલચેસ ઈવેન્ટ્સમાં પોતાનું વર્ચસ્વ જાળવી રાખ્યું હતું. જ્યારે એકતા ડેએ મહિલા વર્ગમાં ગોલ્ડ જીત્યો હતો. જયારે પુરુષોની શ્રેણીમાં રણવીર સિંહે ગોલ્ડ મેડલ જીત્યો. ભારતે ગુરુવારે ચેમ્પિયનશિપમાં સાત મેડલ જીત્યા હતા.

એકતા ડેએ મહિલાઓની 3,000 મીટર સ્ટીપલચેસમાં 10:31.92 સેકન્ડના સમય સાથે ગોલ્ડ મેડલ જીત્યો હતો. જ્યારે રણવીર સિંહે પુરુષોની સ્પર્ધામાં 9:22.62 સેકન્ડના સમય સાથે ગોલ્ડ મેડલ જીત્યો હતો.

આ પહેલા અનુરાગ સિંહ કાલેરે, પુરુષોની શોટ-પુટ ઈવેન્ટમાં ગોલ્ડ મેડલ જીત્યો હતો. એકંદરે, ભારતીય ખેલાડીઓએ ગુરુવારે સાત મેડલ જીત્યા.

સવારના સત્રમાં, રેસ વોકર આરતીએ, મહિલાઓની 10,000 મીટરની ચુસ્ત હરીફાઈમાં, બ્રોન્ઝ મેડલ જીતીને શાનદાર પ્રદર્શન કર્યું હતું. આરતીનો 47:45.33 સેકન્ડનો, બ્રોન્ઝ-વિજેતા સમય વર્લ્ડ અંડર-20 એથ્લેટિક્સ ચેમ્પિયનશિપના 49 મિનિટના ક્વોલિફિકેશન સમય કરતાં સારો હતો.

બાદમાં, થ્રોઅરર્સ એ ટીમની ટેલીમાં ગોલ્ડ સહિત વધુ ત્રણ મેડલ ઉમેર્યા.

અનુરાગ સિંહ કાલેરને, શોટ પુટમાં સ્થિર થવામાં સમય લાગ્યો. ગોલ્ડ માટે તેનો સામનો દક્ષિણ કોરિયાના પાર્ક સિહૂન સામે થયો હતો. કાલેરે તેના અભિયાનની શરૂઆત 18.44ના થ્રોથી કરી હતી અને તેના બીજા પ્રયાસમાં 18.69મી સુધી પહોંચ્યા બાદ, તેણીના ત્રીજા પ્રયાસમાં 19.23 મીટરનો ગોલ્ડ વિજેતા થ્રો હાંસલ કર્યો હતો. ચોથા અને પાંચમા પ્રયાસમાં કોઈ પોઈન્ટ ન હતા અને છઠ્ઠો અને અંતિમ થ્રો 18.79 મીટરનો હતો.

પાર્ક સિહૂને પણ 19.23 મીટરનો સર્વશ્રેષ્ઠ થ્રો કર્યો હતો, પરંતુ સ્પર્ધામાં કાલેરની વધુ સારી એવરેજને કારણે, તેણે કોરિયાને ગોલ્ડ મેડલ જીતવાથી વંચિત રાખીને સિલ્વર મેડલ મેળવ્યો હતો.

ડિફેન્ડિંગ ચેમ્પિયન સિદ્ધાર્થ ચૌધરીએ તેના બીજા પ્રયાસમાં 19.02 મીટરના થ્રો સાથે બ્રોન્ઝ મેડલ જીત્યો હતો. તેના અન્ય થ્રો 19 મીટરના માર્કથી નીચે હતા.

પંજાબમાં પટિયાલામાં, નેશનલ સેન્ટર ઑફ એક્સેલન્સ (એનસીઓઈ)માં પ્રેક્ટિસ કરી રહેલા અને આરઇસી લિમિટેડ દ્વારા, સમર્થિત અમાનત કંબોજે ટીમ ટેલીમાં સિલ્વર મેડલ ઉમેર્યો.

અમન ચૌધરીએ પુરુષોની 400 મીટરમાં 47.53 સેકન્ડના સમય સાથે બ્રોન્ઝ મેડલ જીત્યો હતો.

હિન્દુસ્થાન સમાચાર / સુનીલ / માધવી