નવી દિલ્હી,21 નવેમ્બર (હિ.સ) ઉત્કલ કેશરી ડૉ. હરેકૃષ્ણ મહતાબની 125મી જન્મજયંતિની ઉજવણીનું ઉદ્ઘાટન આજે વિજ્ઞાન ભવન ખાતે સવારે 11:30 કલાકે કરવામાં આવશે. રાષ્ટ્રપતિ દ્રૌપદી મુર્મુ આ પ્રસંગે મુખ્ય અતિથિ તરીકે હાજર રહેશે. આ પ્રસંગે શિક્ષણ મંત્રી ધર્મેન્દ્ર પ્રધાન, સંસ્કૃતિ અને પર્યટન મંત્રી ગજેન્દ્ર સિંહ શેખાવત અને ઓડિશાના મુખ્યમંત્રી મોહન ચરણ માઝી ખાસ ઉપસ્થિત રહેશે. કટકના સાંસદ અને ડૉ. હરેકૃષ્ણ મહતાબના પુત્ર ભર્તૃહરિ મહતાબ પણ ઓડિશાના સિંહના પ્રભાવ અને વારસાને સન્માનિત કરતી ઇવેન્ટનો ભાગ બનશે.

સાંસ્કૃતિક મંત્રાલયના જણાવ્યા અનુસાર, આ કાર્યક્રમમાં એક ખાસ સ્મારક ટપાલ ટિકિટ અને સિક્કો બહાર પાડવામાં આવશે.

સંસ્કૃતિ મંત્રાલય હેઠળની એક સ્વાયત્ત સંસ્થા સાહિત્ય અકાદમીએ કાર્યક્રમ દરમિયાન વિમોચન માટે ઓડિયામાં મોનોગ્રાફ, ગાન મજલિસનો અંગ્રેજી અનુવાદ અને ગાંવ મજલિસનો હિન્દી અનુવાદ તૈયાર કર્યો છે. આ ઉપરાંત, સંસ્કૃતિ મંત્રાલય તેમના જીવન અને વારસા પર એક પ્રદર્શનનું આયોજન કરશે.

ડૉ. હરેકૃષ્ણ મહતાબનો જન્મ 21 નવેમ્બર 1899ના રોજ અગરપારા, ઓડિશામાં થયો હતો. સ્મૃતિ શેષ ડૉ. મહતાબ ભારતીય ઇતિહાસના બહુમુખી નેતા છે. તેઓ સ્વતંત્રતા સેનાની, રાજકારણી, ઇતિહાસકાર, લેખક, સમાજ સુધારક અને પત્રકાર તરીકે જાણીતા છે. ડૉ. હરેકૃષ્ણ મહતાબને તેમની મજબૂત ઇચ્છાશક્તિ, નિશ્ચય અને પ્રભાવ માટે યાદ કરવામાં આવે છે. આનાથી તેમને રાજ્યના અગ્રણી નેતાઓમાંના એક તરીકે ઓળખ મળી.

હિન્દુસ્થાન સમાચાર/મુકુંદ

હિન્દુસ્થાન સમાચાર / હર્ષ શાહ