પોરબંદર, 24 નવેમ્બર (હિ.સ.). પોરબંદરના સુભાષનગર રોડ પર એક પ્યાગો રીક્ષા અને ટૂંક વચ્ચે અકસ્માત સર્જાયો હતો. આ અકસ્માતમાં પ્યાગો રિક્ષામાં સવાર બે યુવાનોને ઈજા થતાં તેમને સારવાર માટે હોસ્પિટલમાં ખસેડવામાં આવ્યા હતા.

પોરબંદરના ઝુંડાળા વિસ્તારમાં રહેતા રામાભાઈ મનસુખભાઈ વારા અને માવજીભાઈ ડાયાભાઈ વારા બંને પ્યાગો રીક્ષામાં સુભાષનગર તરફ જતા હતા, ત્યારે સામેથી આવી રહેલા એક ટ્રક સાથે અકસ્માત સર્જાયો હતો. આ અકસ્માતમાં રીક્ષામાં સવાર બંને યુવાનોને સારવાર માટે પોરબંદરની સરકારી હોસ્પિટલમાં ખસેડવામાં આવ્યા હતા.

---------------

હિન્દુસ્થાન સમાચાર / Tejas pravinbhai dholariya