ઢાકા, નવી દિલ્હી, 02 સપ્ટેમ્બર (હિ.સ.) બાંગ્લાદેશમાં શેખ હસીના સરકારના પતન બાદ અવામી લીગના નેતાઓની ધરપકડનો દોર ચાલુ છે. ઢાકા મેટ્રોપોલિટન પોલીસની ગુપ્તચર શાખાએ, આજે ​​વહેલી સવારે ઢાકાના બંગશાલ વિસ્તારમાંથી અવામી લીગ (ઢાકા-7)ના ભૂતપૂર્વ ધારાસભ્ય હાજી મોહમ્મદ સલીમની ધરપકડ કરી હતી.

ઢાકા ટ્રિબ્યુન અખબારના જણાવ્યા અનુસાર, ડીએમપી (ડીબી-ઉત્તર) ના જોઈન્ટ કમિશનર એમડી રબીઉલ હુસૈન ભુઈયાં એ, આ વાતની પુષ્ટિ કરી છે. તેમણે કહ્યું કે, બાતમી મળ્યા બાદ ટીમે રાત્રે લગભગ 1:30 વાગ્યે બંગશાલ વિસ્તારમાં સર્ચ ઓપરેશન શરૂ કર્યું. આખરે વહેલી સવારે તેની ધરપકડ કરવામાં સફળતા મળી હતી. તેણે કહ્યું કે, તે અનેક પોલીસ સ્ટેશનોમાં નોંધાયેલા કેસમાં આરોપી છે. ભુઈયાં એ કહ્યું છે કે, 2022 માં, ઢાકાની અદાલતે તેમને આવકના જાણીતા સ્ત્રોતોથી અપ્રમાણસર સંપત્તિ પ્રાપ્ત કરવાના કેસમાં જેલની સજા ફટકારી છે.

હિન્દુસ્થાન સમાચાર / મુકુંદ / ડો. હિતેશ

હિન્દુસ્થાન સમાચાર / ડો.હિતેશ એન.વ્યાસ