અંબાજી, 02 જાન્યુઆરી (હિ.સ.) સરદાર કૃષિનગર દાંતીવાડા કૃષિ યુનિવર્સિટીના કર્મચારીઓએ ગુજરાત રાજ્ય આંતર યુનિવર્સિટી સ્ટાફ રમત-ગમત મહોત્સવમાં શાનદાર પ્રદર્શન કરી યુનિવર્સિટીનું નામ રોશન કર્યું છે. જુનાગઢ ખાતે યોજાયેલા આ મહોત્સવમાં કુલ 15 યુનિવર્સિટીઓના 400થી વધુ ખેલાડીઓએ ભાગ લીધો હતો.યુનિવર્સિટીની ટીમે ક્રિકેટ, બેડમિન્ટન અને ટેબલ ટેનિસમાં પ્રથમ સ્થાન અને વોલીબોલમાં દ્વિતીય સ્થાન પ્રાપ્ત કરીને સૌને ચોંકાવી દીધા છે. આ સિદ્ધિ માટે કુલપતિ ડો. આર. એમ. ચૌહાણે તમામ ખેલાડીઓ અને વિદ્યાર્થી કલ્યાણ વિભાગને અભિનંદન પાઠવ્યા હતા.

આ મહોત્સવમાં સરદાર કૃષિ યુનિવર્સિટીનું પ્રતિનિધિત્વ કરવા બદલ વિદ્યાર્થી કલ્યાણ વિભાગના નિયામક અને તેમની ટીમે અથાક મહેનત અને સમર્પણ સાથે સફળતા મેળવી હતી.

હિન્દુસ્થાન સમાચાર / મહેન્દ્રભાઈ લધુરામ અગ્રવાલ