મેડ્રિડ, નવી દિલ્હી, 25 જાન્યુઆરી (હિ.સ.). એફસી બાર્સેલોનાના સ્ટાર ડિફેન્ડર જેરાર્ડ માર્ટિને ક્લબ સાથે 30 જૂન, 2028 સુધી કરાર લંબાવ્યો છે. 22 વર્ષીય ખેલાડીએ, તેના 23મા જન્મદિવસના બે દિવસ પહેલા આ કરાર પર હસ્તાક્ષર કર્યા. ક્લબે શુક્રવારે આ જાહેરાત કરી. 22 વર્ષીય ખેલાડીએ પ્રથમ ટીમમાં તેની સફળતાની સિઝનમાં પ્રભાવિત કર્યા છે, બી-ટીમમાંથી પ્રમોશન પછી 18 વખત રમત રમી છે.

ક્લબના નિવેદનમાં જણાવાયું છે કે, એફસી બાર્સેલોના અને જેરાર્ડ માર્ટિન ક્લબ સાથે ખેલાડીના કરારને 30 જૂન, 2028 સુધી લંબાવવા માટે એક કરાર પર પહોંચ્યા છે. ડિફેન્ડરે ગુરુવારે બપોરે બાર્સેલોનાના પ્રમુખ જોન લાપોર્ટા, યુવા ફૂટબોલ માટે જવાબદાર ડિરેક્ટર જોન સોલર, સ્પોર્ટિંગ ડિરેક્ટર એન્ડરસન લુઈસ ડી સોઝા (ડેકો) અને યુવા ફૂટબોલ ડિરેક્ટર જોસ રેમન એલેક્સેન્કોની હાજરીમાં હસ્તાક્ષર કરવામાં આવ્યા.

ડિફેન્ડર બાર્સેલોનાની વેબસાઇટને જણાવ્યું કે, તે મારા માટે ઘણું મહત્વ ધરાવે છે. હું નાનપણથી જ બાર્સેલોનાનો સમર્થક રહ્યો છું અને જ્યારે હું અહીં આવ્યો ત્યારે મને પહેલી ટીમમાં સ્થાન મેળવવાની આશા હતી. તે ખૂબ મુશ્કેલ છે, પરંતુ મેં મારા શ્રેષ્ઠ પ્રયાસો કર્યા છે, મેં તે મેનેજ કર્યું અને હું ખુશ છું.

માર્ટિને કહ્યું, હું સખત મહેનત કરવાનું ચાલુ રાખીશ અને મને જે પણ તકો મળશે તેનો લાભ ઉઠાવીશ. તેમણે કહ્યું કે, તેમનો ધ્યેય ક્લબ માટે શક્ય તેટલા વધુ ટાઇટલ જીતવાનો છે.

હિન્દુસ્થાન સમાચાર / સુનિલ દુબે

હિન્દુસ્થાન સમાચાર / ડો.હિતેશ એન.વ્યાસ