નવી દિલ્હી, 27 જાન્યુઆરી (હિ.સ.) ભારતીય બોક્સર નિશાંત દેવે લાસ વેગાસના

કોસ્મોપોલિટન ખાતે, એલ્ટન વિગિન્સ સામે પ્રથમ રાઉન્ડમાં જ શાનદાર જીત મેળવીને

પોતાની વ્યાવસાયિક બોક્સિંગ કારકિર્દીની શાનદાર શરૂઆત કરી. આ મુકાબલો 25 જાન્યુઆરીના રોજ,

ડિએગો પચેકો વિરુદ્ધ સ્ટીવ નેલ્સન અંડરકાર્ડનો ભાગ હતો.

નિશાંત, જેણે પહેલાથી જ એડી હર્ન અને મેચરૂમ બોક્સિંગ સાથે કરાર

કર્યો છે, તેને ભૂતપૂર્વ

વ્યાવસાયિક બોક્સર રોનાલ્ડ સિમ્સ દ્વારા, તાલીમ આપવામાં આવી રહી છે. આ જીત તેના

ઉજ્જવળ ભવિષ્યનો સંકેત આપે છે અને ભારતીય બોક્સિંગમાં એક નવા આયામનો ઉમેરો કરે છે.

2023 આઈબીએ બોક્સિંગ વર્લ્ડ

ચેમ્પિયનશિપમાં, તેણે ક્યુબન

બોક્સરને હરાવીને ઇતિહાસ રચ્યો. તે આવું કરનાર પ્રથમ ભારતીય બોક્સર બન્યો. આ

સિદ્ધિ તેમની ક્ષમતા અને કૌશલ્યને પ્રતિબિંબિત કરે છે.

નિશાંતનો આ વિજય તેના સમર્થકો અને ભારતીય રમત જગત માટે

ગર્વની વાત છે. તેમના પ્રદર્શનથી ભારતીય બોક્સિંગ માટે નવી આશાઓ જાગી છે.

હિન્દુસ્થાન સમાચાર / સુનિલ દુબે

હિન્દુસ્થાન સમાચાર / ડો.હિતેશ એન.વ્યાસ