સોમનાથ,6 ઓક્ટોબર (હિ.સ.) સોમનાથ જિલ્લા સેવા સદન, ઈણાજ ખાતે વિકાસ સપ્તાહ અંતર્ગત આજ રોજ બપોરના 12.15 કલાકે ‘ભારત વિકાસ પ્રતિજ્ઞા’ લેવામાં આવશે. આ પ્રતિજ્ઞા થકી કલેક્ટર એન.વી.ઉપાધ્યાય સહિત વર્ગ-1 અને 2 ના અધિકારીઓ દેશ માટે સમર્પિત રહેવા સંકલ્પબદ્ધ થશે.

આ પ્રતિજ્ઞામાં જિલ્લા કલેક્ટર ઉપરાંત જિલ્લા મથકની વિવિધ કચેરીઓના વર્ગ -1 અને 2ના અધિકારીઓ જોડાશે અને દેશ માટે સમર્પિત રહેવા સંકલ્પબદ્ધ થશે. ઉપસ્થિત સૌ 'રાષ્ટ્ર પ્રથમ'ના સૂત્રને જીવનમંત્ર બનાવી દેશના વિકાસ અને કલ્યાણ માટે તન-મન-ધનથી અવિરત પ્રયાસરત રહેવા પ્રતિજ્ઞા લેશે.

ઉલ્લેખનીય છે કે, વડાપ્રધાન નરેન્દ્ર મોદીએ 7 ઓક્ટોબર 2001 ના દિવસે ગુજરાતના 14 માં મુખ્યમંત્રી તરીકે કાર્યભાર સંભાળ્યો હતો. 7 ઓક્ટોબર 2001થી ગુજરાતના વિકાસની જે વણથંભી યાત્રા શરૂ થઈ તેને તા. ૭ ઓક્ટોબર ૨૦૨૫ના રોજ સફળતાપૂર્વક ૨૪ વર્ષ પૂર્ણ થઈ રહ્યા છે. તેના ભાગરૂપે સમગ્ર ગીર સોમનાથ જિલ્લામાં વિકાસ સપ્તાહની ઉજવણી કરવામાં આવશે.

હિન્દુસ્થાન સમાચાર / ભરતસિંહ જાદવ