ગૌહાટી, નવી દિલ્હી, 25 ફેબ્રુઆરી (હિ.સ.). દેશના અગ્રણી ઉદ્યોગપતિ અને રિલાયન્સ ઇન્ડસ્ટ્રીઝ લિમિટેડ (આરઆઈએલ) ના ચેરમેન મુકેશ અંબાણીએ મંગળવારે ઉત્તરપૂર્વીય રાજ્ય આસામમાં રોકાણની મોટી જાહેરાત કરી. મુકેશ અંબાણીએ કહ્યું કે, તેમની કંપની આગામી 5 વર્ષમાં આસામમાં પાંચ અલગ અલગ ક્ષેત્રોમાં 50 હજાર કરોડ રૂપિયાનું રોકાણ કરશે.

રિલાયન્સ ઇન્ડસ્ટ્રીઝના ચેરમેન મુકેશ અંબાણીએ ગૌહાટી માં એડવાન્ટેજ આસામ 2.0 ઇન્વેસ્ટમેન્ટ એન્ડ ઇન્ફ્રાસ્ટ્રક્ચર સમિટ 2025માં જણાવ્યું હતું કે, આ ભંડોળ આસામ ટેકનોલોજી અને એઆઈને તૈયાર કરવા માટે રોકાણ કરવામાં આવશે. તેમણે કહ્યું, “2018 ના રોકાણ સમિટમાં, મેં 5 હજાર કરોડ રૂપિયાના રોકાણની જાહેરાત કરી હતી. અંબાણીએ કહ્યું કે, ત્યારથી રોકાણ 12 હજાર કરોડ રૂપિયાને વટાવી ગયું છે. આ રકમ ચાર ગણી થશે અને અમે આગામી પાંચ વર્ષમાં 50 હજાર કરોડ રૂપિયાનું રોકાણ કરીશું.

મુકેશ અંબાણીએ જણાવ્યું હતું કે, આ રકમ જે ક્ષેત્રોમાં રોકાણ કરવામાં આવશે તેમાં ગ્રીન અને ન્યુક્લિયર એનર્જી, ફૂડ અને નોન-ફૂડ પ્રોડક્ટ્સની સપ્લાય ચેઇન અને રિલાયન્સના રિટેલ સ્ટોર્સનું વિસ્તરણનો સમાવેશ થાય છે. તેમણે કહ્યું, રિલાયન્સ આસામમાં ઉજ્જડ જમીન પર બે વિશ્વ-સ્તરીય કમ્પ્રેસ્ડ બાયોગેસ અથવા સીબીજી પ્લાન્ટ બનાવશે. આ પ્લાન્ટ વાર્ષિક 8 લાખ ટન સ્વચ્છ બાયોગેસનું ઉત્પાદન કરશે, જે દરરોજ 2 લાખ પેસેન્જર વાહનોને બળતણ આપવા માટે પૂરતું છે.

હિન્દુસ્થાન સમાચાર / પ્રજેશ શંકર / દધીબલ યાદવ

હિન્દુસ્થાન સમાચાર / ડો.હિતેશ એન.વ્યાસ