સુરત, 1 એપ્રિલ (હિ.સ.)-વિશ્વામિત્રી નદીમાં પૂર આવવાના કારણે શહેરના અનેક વિસ્તારોમાં પાણી ભરાવાની સમસ્યા સર્જાતી હતી. ખાસ કરીને પરશુરામ ભઠ્ઠા વિસ્તારમાં ભીમનાથ તળાવની અવ્યવસ્થાને કારણે ચોમાસાના સમયે પાણી ભરાઈ જતું હતું. હવે તળાવને તેના મૂળ સ્વરૂપમાં પરત લાવવાની કામગીરી પૂર્ણતાના આરે છે, જેનાથી સ્થાનિક રહીશોને પુરપ્રવાહની સમસ્યાથી રાહત મળશે.

ગત વર્ષ ઓગસ્ટમાં વિશ્વામિત્રી નદીમાં બે વખત પૂર આવતા, શહેરના સયાજીગંજ અને પરશુરામ ભઠ્ઠા વિસ્તારના રહેવાસીઓને ભારે તકલીફનો સામનો કરવો પડ્યો હતો. ભીમનાથ તળાવમાં પાણી ભરાતા, નજીકના વિસ્તારોમાં પૂર જેવી પરિસ્થિતિ સર્જાઈ હતી.

વિશ્વામિત્રી નદીના પટ અને તળાવો સંભાળવા માટે શહેરમાં વિશિષ્ટ અભિયાન હાથ ધરવામાં આવ્યું હતું. આ અંતર્ગત, ભીમનાથ તળાવને ફરી તેની જૂની સ્થિતિમાં પરત લાવવાનું કામ શરૂ થયું.

પ્રાથમિક આયોજન મુજબ આ કામગીરી 20 દિવસમાં પૂરી કરવાની હતી, પરંતુ હવે લગભગ 45 દિવસ બાદ એ સમાપ્ત થવાની નજીક છે. સ્થાનિક રહીશો માટે આ યોજનાથી હવે પૂર અને વરસાદી પાણી ભરાવાની સમસ્યા ઘટાડવામાં સહાય મળશે.

પાલિકા અધિકારીઓએ જણાવ્યું છે કે આ કામ માત્ર તળાવની પુનઃસ્થાપના પૂરતું નહીં રહે, પણ નજીકના નાળાઓ અને ડ્રેનેજ વ્યવસ્થામાં સુધારાઓ પણ કરવામાં આવશે, જેથી પાણી નિકાલ સરળ બને.

પરશુરામ ભઠ્ઠા વિસ્તારમાં રહેતા લોકો હવે ચોમાસામાં પાણી ભરાવાની સમસ્યામાંથી મુક્તિ અપાવવાનો આશાવાદ રાખી રહ્યા છે. ભવિષ્યમાં વધુ આધુનિક જળસંચય અને નદી પુનઃસંગ્રહ યોજના કાર્યાન્વિત થશે તો શહેર માટે લાંબા ગાળે ફાયદાકારક સાબિત થશે.

---------------

હિન્દુસ્થાન સમાચાર / યજુવેન્દ્ર દુબે