નવી દિલ્હી, 26 એપ્રિલ (હિ.સ.) ઈમરાન હાશ્મીની ફિલ્મ 'ગ્રાઉન્ડ ઝીરો' છેલ્લા કેટલાક દિવસોથી સમાચારમાં છે. આખરે, ઈમરાન હાશ્મીની બહુચર્ચિત ફિલ્મ 25 એપ્રિલે રિલીઝ થઈ છે. આ ફિલ્મ વિશે ચાહકો અને વિવેચકો તરફથી મિશ્ર પ્રતિક્રિયાઓ મળી રહી છે. ઘણા લોકોએ ફિલ્મ 'ગ્રાઉન્ડ ઝીરો' વિશે સકારાત્મક પ્રતિસાદ આપ્યો છે, જ્યારે કેટલાકને ફિલ્મની વાર્તા પસંદ આવી નથી. તેથી, બોક્સ ઓફિસ પર તેની અસર જોવા મળી રહી છે. ઈમરાન હાશ્મીની ફિલ્મની બોક્સ ઓફિસ પર કમાણી ખૂબ ધીમી શરૂઆત થઈ હતી.

ફિલ્મ 'ગ્રાઉન્ડ ઝીરો', એક સત્ય ઘટના પર આધારિત છે. આ ફિલ્મ 2001 માં કાશ્મીરમાં બનેલી ઘટના પર આધારિત છે. આ ફિલ્મમાં ઈમરાન, બીએસએફ ઓફિસર નરેન્દ્ર નાથ દુબેની ભૂમિકા ભજવી રહ્યો છે. સૈકનીલ્ક અનુસાર, ફિલ્મ 'ગ્રાઉન્ડ ઝીરો' એ પહેલા દિવસે માત્ર એક કરોડ રૂપિયાની કમાણી કરી હતી.

'ગ્રાઉન્ડ ઝીરો' ફિલ્મ બોક્સ ઓફિસ પર સની દેઓલની 'જાટ' અને અક્ષય કુમારની 'કેસરી ચેપ્ટર-2' સાથે સ્પર્ધા કરી રહી છે. અક્ષયની ફિલ્મે આઠમા દિવસે બોક્સ ઓફિસ પર 4.25 કરોડ રૂપિયાની કમાણી કરી છે. સની દેઓલની 'જાટ' ફિલ્મે 16મા દિવસે 0.90 લાખ રૂપિયાની કમાણી કરી છે.

દરમિયાન, ફિલ્મ 'ગ્રાઉન્ડ ઝીરો' છેલ્લા 50 વર્ષમાં બીએસએફ ના સૌથી મોટા મિશનને દર્શાવે છે. આમાં, ઇમરાન હાશ્મી કમાન્ડર નરેન્દ્ર નાથ દુબેની ભૂમિકામાં આ મિશનનું નેતૃત્વ કરતો જોવા મળે છે. આ પહેલી વાર છે જ્યારે ઇમરાન આર્મી ઓફિસરની ભૂમિકામાં દેખાયો છે. ફિલ્મ 'ગ્રાઉન્ડ ઝીરો'નું નિર્દેશન, તેજસ દેઓસ્કર દ્વારા કરવામાં આવ્યું છે. ઇમરાન અને સાંઈ ઉપરાંત, ઝોયા હુસૈન, મુકેશ તિવારી, દીપક પરમેશ, લલિત પ્રભાકર, રોકી રૈના અને રાહુલ વોહરા જેવા ઘણા કલાકારો આ ફિલ્મમાં મહત્વપૂર્ણ ભૂમિકાઓ ભજવી રહ્યા છે.

હિન્દુસ્થાન સમાચાર / લોકેશ ચંદ્ર દુબે / સુનીલ સક્સેના

હિન્દુસ્થાન સમાચાર / ડો.હિતેશ એન.વ્યાસ