નવી દિલ્હી, 31 મે (હિ.સ.). વર્લ્ડ બોક્સિંગે શુક્રવારે જાહેરાત કરી હતી કે, તે તેની તમામ ટુર્નામેન્ટમાં ભાગ લેનારા પુરુષ અને મહિલા ખેલાડીઓ માટે ફરજિયાત લિંગ પરીક્ષણ લાગુ કરશે.

આંતરરાષ્ટ્રીય બોક્સિંગ ફેડરેશન દ્વારા ગયા વર્ષે પેરિસ ઓલિમ્પિકમાં અલ્જેરિયન મહિલા સુવર્ણ ચંદ્રક વિજેતા ઇમાન ખલીફ સહિત કેટલાક ખેલાડીઓ અંગે થયેલા વિવાદ બાદ આ નિર્ણય લેવામાં આવ્યો છે.

વર્લ્ડ બોક્સિંગે કહ્યું કે, તેણે અલ્જેરિયન બોક્સિંગ ફેડરેશનને જાણ કરી છે કે, જો ઇમાન ખલીફ 5 થી 10 જૂન દરમિયાન નેધરલેન્ડ્સમાં યોજાનાર આઇન્ડહોવન બોક્સ કપમાં ભાગ લેવા માંગે છે, તો તેણે પહેલા લિંગ પરીક્ષણ કરાવવું પડશે.

વર્લ્ડ બોક્સિંગે તેના નિવેદનમાં જણાવ્યું હતું કે, વર્લ્ડ બોક્સિંગે અલ્જેરિયન બોક્સિંગ ફેડરેશનને એક પત્ર લખીને જાણ કરી છે કે ઇમાન ખલીફને આઇન્ડહોવન બોક્સ કપ અથવા મહિલા શ્રેણીમાં કોઈપણ વર્લ્ડ બોક્સિંગ ઇવેન્ટમાં ભાગ લેવાની મંજૂરી આપવામાં આવશે નહીં જ્યાં સુધી તેણી લિંગ પરીક્ષણ કરાવે નહીં.

નોંધનીય છે કે, વર્લ્ડ બોક્સિંગ 2028 માં લોસ એન્જલસમાં યોજાનારી ઓલિમ્પિક રમતોમાં બોક્સિંગ સ્પર્ધાઓનું આયોજન કરશે.

હિન્દુસ્થાન સમાચાર / સુનિલ દુબે

હિન્દુસ્થાન સમાચાર / ડો.હિતેશ એન.વ્યાસ