નવી દિલ્હી, 09 મે (હિ.સ.) ભારત અને પાકિસ્તાન વચ્ચેના તણાવ અને વ્યાપક સંઘર્ષની આશંકા વચ્ચે, સ્થાનિક શેરબજારમાં ઘટાડો જોવા મળી રહ્યો છે. આજે, અઠવાડિયાના છેલ્લા ટ્રેડિંગ દિવસે, બોમ્બે સ્ટોક એક્સચેન્જ (બીએસઈ) સેન્સેક્સ 548.12 પોઈન્ટ એટલેકે 0.68 ટકા ઘટીને 79,786.69 પર ટ્રેડ કરી રહ્યો છે. તેવી જ રીતે, નેશનલ સ્ટોક એક્સચેન્જ (એનએસઈ) નિફ્ટી પણ 152.50 પોઈન્ટ અથવા 0.63 ટકા ઘટીને 24,121.30 પર ટ્રેડ કરી રહ્યો છે.

સેન્સેક્સના 30 શેરમાંથી 25 શેર ગબડ્યા છે, જ્યારે નિફ્ટીના 50 શેરમાંથી 45 શેર ગબડ્યા છે. સેન્સેક્સમાં સમાવિષ્ટ કંપનીઓમાં પાવર ગ્રીડ, આઈસીઆઈસીઆઈ બેંક, ટાટા સ્ટીલ, અદાણી પોર્ટ્સ, બજાજ ફિનસર્વ, અલ્ટ્રાટેક સિમેન્ટ, એટરનલ અને નેસ્લેના શેર નીચે છે. જોકે, લાર્સન એન્ડ ટુબ્રો અને ટાઇટનના શેરમાં ચાર ટકાથી વધુનો વધારો જોવા મળી રહ્યો છે. ટાટા મોટર્સ, એશિયન પેઇન્ટ્સ, કોટક મહિન્દ્રા બેંક અને સ્ટેટ બેંક ઓફ ઇન્ડિયાના શેર નફામાં છે.

આ ઉપરાંત, એશિયન શેરબજારોમાં દક્ષિણ કોરિયાના કોસ્પી, શાંઘાઈ એસએસઈ કમ્પોઝિટ અને હોંગકોંગના હેંગસેંગમાં નુકસાન જોવા મળી રહ્યું છે, જ્યારે જાપાનનો નિક્કી 225 ના નફામાં જોવા મળી રહ્યો છે. નોંધનીય છે કે, આના એક દિવસ પહેલા, બીએસઈ સેન્સેક્સ 412 પોઈન્ટ ઘટીને 80,335 પર બંધ થયો હતો, જ્યારે એનએસઈ નિફ્ટી 141 પોઈન્ટ ઘટીને 24,274 પર બંધ થયો હતો.

હિન્દુસ્થાન સમાચાર / પ્રજેશ શંકર / મુકુન્દ

હિન્દુસ્થાન સમાચાર / ડો.હિતેશ એન.વ્યાસ