સુરત, 4 જૂન (હિ.સ.)-વીર નર્મદ દક્ષિણ ગુજરાત યુનિવર્સિટી (VNSGU)માં સેલ્ફ ફાઇનાન્સ કોર્સની ફીમાં તદ્દન 20% જેટલો વધારો થતા વિદ્યાર્થીઓમાં ભારે રોષ ફાટી નીકળ્યો છે. આ આકસ્મિક અને ભારે ફી વધારો સામે ABVP દ્વારા યુનિવર્સિટી કેમ્પસમાં ઉગ્ર વિરોધ પ્રદર્શન કરવામાં આવ્યું હતું.

ABVPના કાર્યકરો તથા વિદ્યાર્થીઓએ વાઇસ ચાન્સેલરની ઓફિસ બહાર બેસીને સૂત્રોચ્ચાર કર્યા હતા અને ફી વધારો તાત્કાલિક પાછો ખેંચવાની માંગ ઉઠાવી હતી. ઉગ્ર વલણ ધારણ કરતાં વિદ્યાર્થીઓએ VC ઓફિસનો દરવાજો ખોલવાનો પણ પ્રયાસ કર્યો હતો.

આ વિરોધ દરમિયાન યુનિવર્સિટી કેમ્પસમાં ભારે પોલીસ બંદોબસ્ત ગોઠવવામાં આવ્યો હતો. તંત્ર દ્વારા ફી વધારો ફક્ત ટ્યુશન ફી સુધી સીમિત ન રહી, પરંતુ વેલફેર ફી, સાધનોનો ખર્ચ, પુસ્તકો અને કેમ્પસ ડેવલોપમેન્ટ ફંડમાં પણ વધારો કરાયો હોવાનું બહાર આવ્યું છે.

વિદ્યાર્થીઓએ જણાવ્યું કે, આ કારણે તેમના અભ્યાસ અને ભાવિ પર સીધી અસર થઈ રહી છે અને ઘણા વિદ્યાર્થીઓ માટે આ કોર્સ કરવો હવે અશક્ય બની રહ્યો છે.

વિદ્યુતિસ્વરૂપ આ વિરોધ પછી તંત્ર દ્વારા વિદ્યાર્થીઓના પ્રતિનિધિ સાથે બેઠક યોજી શક્ય તેટલી લવચીકતા દર્શાવવાની શક્યતા પણ વ્યક્ત કરવામાં આવી છે.

---------------

હિન્દુસ્થાન સમાચાર / યજુવેન્દ્ર દુબે