નવી દિલ્હી, 11 સપ્ટેમ્બર (હિ.સ.): ખનન ક્ષેત્ર સંબંધિત વસ્તુઓ માટેની નવી વસ્તુઓ અને સેવા કર (જી.એસ.ટી.)ની દરો અને સ્લેબનો આવાસ ઉદ્યોગ અને સૂક્ષ્મ ઉદ્યોગો પર સકારાત્મક પ્રભાવ પડશે. નવી દરો હેઠળ હવે માર્બલ અને ટ્રેવર્ટીન તથા ગ્રેનાઇટ બ્લોક પર 5 ટકાનો વસ્તુઓ અને સેવા કર લાગશે, જ્યારે અગાઉ આ દર 12 ટકા હતો.

ખાન મંત્રાલયે ગુરુવારે જાહેર કરેલા નિવેદનમાં જણાવ્યું હતું કે, જી.એસ.ટી.ની દરોમાં ઘટાડાથી આવાસ ક્ષેત્રને લાભ થશે, કારણ કે માર્બલ અને ગ્રેનાઇટનો ઉપયોગ આવાસ ઉદ્યોગમાં મોટા પાયે થાય છે. ગ્રેનાઇટ અને માર્બલનું ખનન રાજસ્થાન, ગુજરાત અને કર્ણાટક જેવા રાજ્યોમાં થાય છે. સૅન્ડ લાઇમ બ્રિક્સ અથવા સ્ટોન ઇનલે વર્ક પરની જી.એસ.ટી.ની દરોમાં ઘટાડાથી ઓછી કિંમતના આવાસોની બાંધકામ ખર્ચ, ખાસ કરીને ગ્રામ્ય વિસ્તારોમાં, વધુ ઓછો કરવામાં મદદ મળશે.

તે ઉપરાંત, ખાન મંત્રાલય સંબંધિત સેવાઓ પર જી.એસ.ટી.ની દરોની ભલામણના સંદર્ભમાં દેશની અંદર માલના મલ્ટી-મોડલ પરિવહનની સપ્લાય માટે વસ્તુઓ અને સેવા કરની દરોને 12 ટકા પરથી ઘટાડીને 5 ટકા (પ્રતિબંધિત ક્રેડિટ સાથે) કરવામાં આવ્યા છે. આથી ખનન અને ખનિજ ઉદ્યોગ, ખાસ કરીને લોખંડના અયસ્કને લાભ થશે, જેમાં લાંબા અંતરની અવરજવરનો સમાવેશ થાય છે.

કેન્દ્રીય નાણાં અને કૉર્પોરેટ મામલાની પ્રધાન નિર્મલા સીતારમણની અધ્યક્ષતામાં નવી દિલ્હીમાં યોજાયેલી વસ્તુઓ અને સેવા કર (જી.એસ.ટી.) પરિષદની 56મી બેઠકમાં મધ્યમ વર્ગને રાહત આપવા માટે જી.એસ.ટી.ની દરોમાં ફેરફાર અને જી.એસ.ટી.માં વેપારને સુગમ બનાવવા માટેના ઉપાયો અંગે ઘણી ભલામણો કરવામાં આવી હતી.

હિન્દુસ્થાન સમાચાર / પ્રજેશ શંકર / સુનીત નિગમ

હિન્દુસ્થાન સમાચાર / અભિષેક બારડ