નવી દિલ્હી, 01 ઓક્ટોબર (હિ.સ.). ફ્લાયદુબઈ ઘટનાને લઈને વડાપ્રધાન નરેન્દ્ર મોદીના ટ્વીટ પર કેન્દ્રીય મંત્રી કિરણ રિજિજુએ, પત્રકારો સાથે વાતચીત દરમિયાન ભારતીય મૂળના પાઇલટ સ્મિત મછારના સાહસની પ્રશંસા કરી. તેમણે કહ્યું કે, વડાપ્રધાને સમગ્ર ભારતીય સમાજ વતી આ ઘટના પર પોતાની ભાવના વ્યક્ત કરી છે.

રિજિજુએ કહ્યું કે, જ્યારે ભારતીય મૂળના કોઈ પાઇલટે પોતાનો જીવ જોખમમાં મૂકીને અસાધારણ સાહસ બતાવ્યું, ત્યારે આખી દુનિયા તેની પ્રશંસા કરી રહી છે. આવા સમયે ભારતીય હોવાના નાતે સ્વાભાવિક રીતે ગર્વ અનુભવાય છે.

કેન્દ્રીય મંત્રીએ કહ્યું કે જ્યારે પણ કોઈ ભારતીય કોઈ અસાધારણ કામ કરે છે અને દુનિયાને એ બતાવે છે કે, ભારતીયો બીજાનો જીવ બચાવવા માટે પોતાનો જીવ પણ જોખમમાં મૂકી શકે છે, ત્યારે તે આખા દેશ માટે ગર્વની વાત હોય છે.

તેમણે કહ્યું કે, ફ્લાયદુબઈ ઘટનામાં પાઇલટ દ્વારા બતાવવામાં આવેલી હિંમત અને બીજાનો જીવ બચાવવા માટે ઉઠાવવામાં આવેલું જોખમ ભારતીયોના સાહસ અને માનવીય ભાવનાને દર્શાવે છે.

હિન્દુસ્થાન સમાચાર / સૌરવ રાય / અનૂપ શર્મા

હિન્દુસ્થાન સમાચાર / માધવી વ્યાસ