
મુંબઈ, નવી દિલ્હી, 12 ઓક્ટોબર (હિ.સ.). દક્ષિણ ભારતીય સુપરસ્ટાર રજનીકાંતની બહુપ્રતીક્ષિત ફિલ્મ 'જેલર 2'ની હિન્દી રિલીઝને લઈને ચાલી રહેલી અટકળો પર નિર્માતાઓએ વિરામ મૂક્યો છે. સત્તાવાર નિવેદન મુજબ, ફિલ્મનું હિન્દી સંસ્કરણ 15 ઓક્ટોબર 2026ના રોજ અન્ય ભાષાઓના સંસ્કરણો સાથે સિનેમાઘરોમાં રિલીઝ થશે. નિર્માતાઓએ સ્પષ્ટ કર્યું છે કે, ફિલ્મની રિલીઝ તારીખમાં કોઈ ફેરફાર કરવામાં આવ્યો નથી.
તાજેતરમાં કેટલાક અહેવાલોમાં દાવો કરવામાં આવ્યો હતો કે, ફિલ્મ હિન્દીમાં સિનેમાઘરોમાં રિલીઝ નહીં થાય. આ સમાચારો પછી દર્શકોમાં મૂંઝવણની સ્થિતિ સર્જાઈ હતી. હવે નિર્માતાઓએ નિવેદન બહાર પાડીને આ અટકળોને નકારી કાઢી છે. ફિલ્મના હિન્દી સંસ્કરણનું વિતરણ ઉત્તર ભારતમાં પેન મરુધર એન્ટરટેઈનમેન્ટ કરશે. સાથે જ મીડિયા સંસ્થાઓ અને ડિજિટલ પ્લેટફોર્મ્સને અપ્રમાણિત માહિતી પ્રસારિત ન કરવા અપીલ કરવામાં આવી છે.
નેલ્સન દિલીપકુમારના નિર્દેશનમાં બનેલી 'જેલર 2'માં રજનીકાંત સાથે એસજે સૂર્યા, વિદ્યા બાલન અને મિથુન ચક્રવર્તી પણ જોવા મળશે. ફિલ્મમાં મોહનલાલ અને શિવ રાજકુમારની વિશેષ ભૂમિકાઓ છે, જ્યારે હૃતિક રોશનના કેમિયોને લઈને પણ ચર્ચા છે. હિન્દી સંસ્કરણની રિલીઝને લઈને સત્તાવાર સ્થિતિ સ્પષ્ટ થયા પછી હવે દર્શકોની નજર ફિલ્મના પ્રદર્શન પર રહેશે.
હિન્દુસ્થાન સમાચાર / લોકેશ ચંદ્ર દુબે / રામાનુજ શર્મા
હિન્દુસ્થાન સમાચાર / માધવી વ્યાસ