ભાવનગર, 23 ઓક્ટોબર (હિ.સ.) મહુવા તાલુકામાં માર્ગ સુવિધાઓના વિકાસ અને ગ્રામ્ય વિસ્તારોમાં અવરજવરની સુવિધા વધુ સારી બને તે હેતુથી મહુવા–ડુંડાસથી બીલડી ગામ સુધી બની રહેલા નવા રોડના કામનું મહુવાના ધારાસભ્ય શિવા ગોહિલે સ્થળ પર રૂબરૂ મુલાકાત લઈને નિરીક્ષણ કર્યું હતું. આ મુલાકાત દરમિયાન રોડના ચાલી રહેલા કામની કામગીરીની સમીક્ષા કરવામાં આવી હતી.

મહુવા–ડુંડાસથી બીલડી ગામ સુધીનો માર્ગ સ્થાનિક લોકો માટે અવરજવરનું મહત્વનું માધ્યમ બની શકે છે. નવા રોડના નિર્માણથી આ વિસ્તારના લોકોને આવવા-જવામાં વધુ સુવિધા મળી રહે અને વાહનવ્યવહાર સરળ બને તે દિશામાં કામગીરી હાથ ધરવામાં આવી રહી છે. માર્ગનું કામ યોગ્ય ગુણવત્તા સાથે પૂર્ણ થાય તે બાબતને ધ્યાનમાં રાખીને ધારાસભ્યએ સ્થળ પર જઈ કામગીરીનું નિરીક્ષણ કર્યું હતું.

નિરીક્ષણ દરમિયાન રોડના નિર્માણની કામગીરીની સમીક્ષા કરીને માર્ગની ગુણવત્તા અને કામની યોગ્યતા અંગે ધ્યાન આપવામાં આવ્યું હતું. જાહેર સુવિધા સાથે જોડાયેલાં વિકાસકાર્યોમાં ગુણવત્તા જળવાઈ રહે અને સ્થાનિક લોકોને તેનો લાંબા ગાળે લાભ મળે તે મહત્ત્વનું છે.

ગ્રામ્ય વિસ્તારોમાં રસ્તાઓનું યોગ્ય નિર્માણ અને જાળવણી સ્થાનિક વિકાસ માટે મહત્ત્વપૂર્ણ છે. સારા માર્ગોને કારણે ગામડાંના લોકોની અવરજવર સરળ બનવાની સાથે રોજિંદા કામકાજ, ખેતીવાડી સંબંધિત પ્રવૃત્તિઓ અને અન્ય જરૂરિયાતો માટે પણ સુવિધા મળી રહે છે.

હિન્દુસ્થાન સમાચાર / DISHANT NANDRAMBHAI GONADLIYA