મુંબઈ, નવી દિલ્હી, 27 ઓક્ટોબર (હિ.સ.). શાહરૂખ ખાન તેની આગામી ફિલ્મ 'કિંગ'માં ફરી એકવાર એક્શન અને રોમાન્સનું અનોખું મિશ્રણ લઈને આવવાના છે.
અભિનેતાએ ફિલ્મનું નવું પોસ્ટર રિલીઝ કર્યું છે, જેમાં તેમનો અંદાજ ખૂબ જ દમદાર લાગી રહ્યો છે. હાથમાં બંદૂક અને મોંમાં ગુલાબ સાથે શાહરૂખના ચહેરા પર ગુસ્સો અને આંખોમાં તીવ્રતા દેખાઈ રહી છે. તેમનો આ લુક એક તરફ ફિલ્મના એક્શનની ઝલક આપે છે, તો બીજી તરફ તેમના રોમેન્ટિક અંદાજની યાદ અપાવે છે.
પોસ્ટરમાં શાહરૂખ સફેદ વાળ અને દાઢી સાથે ખડતલ અવતારમાં જોવા મળી રહ્યા છે. તેમનું આ રૂપ તેમના અગાઉના રોમેન્ટિક પાત્રોથી ઘણું અલગ છે. પોસ્ટર સાથે અભિનેતાએ લખ્યું, 'આજ ફિર યાદ આયા... કાતિલ નહીં... આશિક હું...'. આ સંવાદ દ્વારા ફિલ્મમાં તેમના પાત્રના બે અલગ-અલગ પાસાઓની ઝલક મળે છે. શાહરૂખ આ પહેલા 'પઠાણ' અને 'જવાન' જેવી ફિલ્મોમાં એક્શન અવતારથી દર્શકોનું ધ્યાન ખેંચી ચૂક્યા છે. હવે 'કિંગ'માં તેમના નવા અંદાજને લઈને ચાહકોમાં ઉત્સુકતા વધી ગઈ છે.
રેડ ચિલીઝ એન્ટરટેઈનમેન્ટના બેનર હેઠળ બની રહેલી 'કિંગ'નું નિર્દેશન સિદ્ધાર્થ આનંદ કરી રહ્યા છે. આ એક્શન-થ્રિલર ફિલ્મમાં શાહરૂખ સાથે સુહાના ખાન, દીપિકા પાદુકોણ, અભિષેક બચ્ચન અને રાની મુખર્જી પણ જોવા મળશે. ફિલ્મને ક્રિસમસના અવસરે રિલીઝ કરવાની તૈયારી છે. 'કિંગ' 24 ડિસેમ્બર 2026ના રોજ દુનિયાભરના સિનેમાઘરોમાં રિલીઝ થશે.
હિન્દુસ્થાન સમાચાર / લોકેશ ચંદ્ર દુબે / રામાનુજ શર્મા
હિન્દુસ્થાન સમાચાર / માધવી વ્યાસ
