નવી દિલ્હી, 28 ઓક્ટોબર (હિ.સ.). મધ્ય પ્રદેશના કૂનો રાષ્ટ્રીય ઉદ્યાનના 19 મહિનાના નર ચિત્તાને ગોળીના છરા વાગવાથી થયેલા મૃત્યુ પર કેન્દ્ર સરકારે ઉચ્ચસ્તરીય ટીમ મોકલી છે. ચિત્તા નિર્વાની સંતાન કેએનજી22 ને 25 ઓક્ટોબરના રોજ મોરેનાના વન વિસ્તારમાં ઘાયલ અવસ્થામાં મળી આવ્યો હતો. જબલપુરમાં શસ્ત્રક્રિયા દરમિયાન તેના શરીરમાંથી પાંચ છરા કાઢવામાં આવ્યા, પરંતુ 27 ઓક્ટોબરના રોજ તેનું મૃત્યુ થયું.

કેન્દ્રીય ટીમમાં રાષ્ટ્રીય વાઘ સંરક્ષણ પ્રાધિકરણ (એનટીસીએ) અને વન્યજીવ અપરાધ નિયંત્રણ બ્યુરો (ડબલ્યુસીસીબી) ના અધિકારીઓ શામેલ છે. ટીમ મધ્ય પ્રદેશ વન વિભાગ સાથે મળીને ઘટનાની તપાસ કરશે અને સુરક્ષા વ્યવસ્થાની સમીક્ષા કરશે. રાજ્ય સરકારે પણ આ મામલાની તપાસ માટે વન અને પોલીસ અધિકારીઓની વિશેષ તપાસ ટુકડી (એસટીએફ) ની રચના કરી છે.

હિન્દુસ્થાન સમાચાર /વિજયા લક્ષ્મી / મુકુંદ

હિન્દુસ્થાન સમાચાર / માધવી વ્યાસ