વડનગર વિશ્વશાંતિ મહાયજ્ઞ ખાતે લોકસભા અધ્યક્ષ ઓમ બિરલાએ જગદગુરુ પૂજ્ય શંકર વિજયેન્દ્ર સરસ્વતી શંકરાચાર્ય સ્વામીના આશીર્વાદ લીધા
જગદગુરુ પૂજ્ય શંકરાચાર્ય સ્વામીજીના સાનિધ્યમાં વડનગરમાં દિવ્ય મહાયજ્ઞ: ઓમ બિરલાએ ભગવાન હાટકેશ્વરના દર્શન કરી જનસુખાકારી માટે પ્રાર્થના કરી. વડનગર, 18 નવેમ્બર (હિ.સ.) : ઐતિહાસિક અને સાંસ્કૃતિક નગરી વડનગરની પવિત્ર ધરા પર શ્રીકાંચી કામકોટિ પીઠાધિપત
Lok Sabha Speaker Om Birla took blessings of Jagadguru Pujya Shankar Vijayendra Saraswati


Lok Sabha Speaker Om Birla took blessings of Jagadguru Pujya Shankar Vijayendra Saraswati


Lok Sabha Speaker Om Birla took blessings of Jagadguru Pujya Shankar Vijayendra Saraswati


Lok Sabha Speaker Om Birla took blessings of Jagadguru Pujya Shankar Vijayendra Saraswati


- જગદગુરુ પૂજ્ય શંકરાચાર્ય સ્વામીજીના સાનિધ્યમાં વડનગરમાં દિવ્ય મહાયજ્ઞ: ઓમ બિરલાએ ભગવાન હાટકેશ્વરના દર્શન કરી જનસુખાકારી માટે પ્રાર્થના કરી.

વડનગર, 18 નવેમ્બર (હિ.સ.) : ઐતિહાસિક અને સાંસ્કૃતિક નગરી વડનગરની પવિત્ર ધરા પર શ્રીકાંચી કામકોટિ પીઠાધિપતિ જગદગુરુ પૂજ્ય શંકર વિજયેન્દ્ર સરસ્વતી શંકરાચાર્ય સ્વામીના દિવ્ય સાનિધ્યમાં ‘વિશ્વશાંતિ મહાયજ્ઞ’નું અત્યંત ભવ્ય અને ગરિમાપૂર્ણ આયોજન કરવામાં આવ્યું છે. આધ્યાત્મિક ચેતનાથી સભર આ મહાયજ્ઞના આઠમા દિવસે લોકસભાના અધ્યક્ષ ઓમ બિરલાએ વિશેષ હાજરી આપી પવિત્ર વાતાવરણમાં સહભાગી થયા હતા.

આ અવસરે તેમની સાથે ગુજરાત વિધાનસભાના અધ્યક્ષ શંકર ચૌધરી પણ ઉપસ્થિત રહ્યા હતા, જેઓએ વડનગરની ભૂમિ પર ગુંજી રહેલા મંત્રોચ્ચાર વચ્ચે દિવ્ય અનુભૂતિ કરી હતી.

લોકસભા અધ્યક્ષ ઓમ બિરલાએ મહાયજ્ઞની યજ્ઞશાળાના રૂબરૂ દર્શન કરી મંત્રોચ્ચારના પાવન વાતાવરણમાં શ્રદ્ધાપૂર્વક સહભાગિતા નોંધાવી હતી. અધ્યક્ષએ શ્રીકાંચી કામકોટિ પીઠાધિપતિ જગદગુરુ પૂજ્ય શંકરાચાર્ય સ્વામીના દર્શન કરી તેમના આશીર્વાદ ગ્રહણ કર્યા હતા. જગદગુરુ સાથેની આ મુલાકાત દરમિયાન દેશની શાંતિ અને સમૃદ્ધિના સંદર્ભમાં આધ્યાત્મિક પરામર્શ પણ થયો હતો. આ પ્રસંગે ઉપસ્થિત બંને ગૃહોના અધ્યક્ષોએ વડનગરના આ આધ્યાત્મિક મહોત્સવને રાષ્ટ્રની સાંસ્કૃતિક વિરાસતનું પ્રતીક ગણાવ્યું હતું.

આ પ્રસંગે લોકસભા અધ્યક્ષ ઓમ બિરલા અને વિધાનસભા અધ્યક્ષ શંકર ચૌધરીએ વડનગરના અધિષ્ઠાયક દેવ ભગવાન હાટકેશ્વર મહાદેવના મંદિરે જઈ શીશ નમાવ્યું હતું. અધ્યક્ષએ મહાદેવના પવિત્ર દર્શન અને પૂજન અર્ચન કરી સમસ્ત જનતાની સુખાકારી, શાંતિ અને રાષ્ટ્રની ઉન્નતિ માટે મંગલ પ્રાર્થના કરી હતી. વડનગરની પવિત્ર ધરા પર આયોજિત આ મહાયજ્ઞમાં શ્રદ્ધાળુઓ અને સંતો-મહંતોની ભારે ભીડ ઉમટી રહી છે, જેના કારણે સમગ્ર પંથક ભક્તિમય અને આધ્યાત્મિક ઉર્જાથી તરબતર બની ગયો છે.

આ પ્રસંગે લોકસભા સાંસદ હરિ પટેલ, અગ્રણી ગીરીશ રાજગોર, નગરપાલિકા પ્રમુખ મિતિકા શાહ, જિલ્લા કલેકટર ડૉ. હર્ષિત ગોસાવી, જિલ્લા વિકાસ અધિકારી હર્ષિલ મીણા, જિલ્લા પોલીસ અધિક્ષક હિમાંશુ સોલંકી અને પદાધિકારીઓ તેમજ સ્થાનિક અગ્રણીશ્રીઓ સહિત મોટી સંખ્યામાં શ્રદ્ધાળુઓ ઉપસ્થિત રહ્યા હતા.

હિન્દુસ્થાન સમાચાર / હર્ષ શાહ


 rajesh pande